Dızel otynyna qatysty eshqandaı problema joq - Qanat Bozymbaev

ASTANA. QazAqparat - QR Energetıka mınıstri Qanat Bozymbaev elimizde dızel otynyna qatysty problemalar bar degen aqparatty rastamady, dep habarlaıdy QazAqparat.

Degenmen de mınıstr otyn baǵasynyń ósýi faktileri Astanada nemese Reseımen shekaralas óńirlerde bolýy múmkindigin joqqa shyǵarmady.

«Elimiz boıynsha ortasha kóterme baǵa 188-189 teńge shamasynda. Kún saıyn tańerteń el aýmaǵyndaǵy janar-jaǵarmaı quıý stansalarynan jedel aqparatty alyp otyramyz. Joǵary baǵa kezdesip jatady, biraq onyń barlyǵy Reseıden ımporttalatyn dızeldik otyn. Jalpy, elimizde dızel otynymen qamtamasyz etilýge qatysty eshqandaı problema joq. Baǵa faktory turǵysynda naryq qarashada turaqtanady dep oılaımyz», - dedi mınıstr Parlament Májilisinde tilshiler saýalyna jaýap bere otyryp.