Dızel otynyn zańsyz saqtaý jáne ótkizýmen aınalysqan qaraǵandylyq sottaldy

NUR-SULTAN. QazAqparat – Qarjy monıtorıngi agentti Qaraǵandy oblysy boıynsha departamentiniń qyzmetkerleri munaı ónimderin shyǵý zańdylyǵyn rastaıtyn qujattarsyz ıemdený, saqtaý jáne ótkizý faktisiniń jolyn kesti, dep habarlaıdy QazAqparat vedomstvonyń telegram kanalyna silteme jasap.

«S.V. Shmıdt óz úıiniń aýmaǵyndaǵy garajda qujatsyz munaı ónimderin saqtaý jáne ótkizý úshin úsh tsısternany paıdalanǵany anyqtaldy. 2021 jyly ol dızeldik otyndy tasymaldaýǵa jáne ótkizýge zańdylyǵyn rastaıtyn qujattarsyz árqaısysynyń kólemi 1 000 lıtr bolatyn eki tsısterna ornatqan júk-jolaýshy tıpti kólikti qaıta jóndeýden ótkizdi. «Munaı ónimderiniń jekelegen túrlerin óndirýdi jáne olardyń aınalymyn memlekettik retteý» týraly Zańynyń talaptaryn buzǵan, ıaǵnı munaı ónimderin olardyń shyǵý zańdylyǵyn rastaıtyn qujattarsyz satyp alý, saqtaý jáne ótkizýdi iske asyrǵan», - delingen QMA habarlamasynda.

Sot úkimimen qoǵamdyq jumystarǵa tartý túrindegi jaza taǵaıyndala otyryp, S.V. Shmıdt qylmystyq quqyq buzýshylyq jasaǵany úshin kináli dep tanyldy.

QMA málimetinshe, sot sheshimimen tintý kezinde tárkilengen dızeldik otyn memleket paıdasyna jaratylady.