Dızel otyny ishki naryǵyn retteýdiń tujyrymdamalyq tásilderi pysyqtalýda
«Іshki naryqta dızel otynynyń tómen baǵasy tutynýdyń kúrt ósýine ákep soqty. Onyń ishinde - tranzıttik kóliktiń dızel otynyn quıý, munaı bazalarynan kóleńkeli aǵylý esebinen. Negizgi shyńy 2021 jyldyń tamyz-qyrkúıek aılaryna keldi. Aı saıyn shamamen - 520 myń tonna. Nátıjesinde ishki naryqta otynnyń jetispeýshiligi jáne shekaralas memleketter ekonomıkasyn janama sýbsıdııalaý paıda bolady. Buryn qabyldanǵan is-sharalarmen qatar, búgingi kúni ishki naryqty dızel otynymen qamtamasyz etý úshin Úkimetpen kelesi jumys júrgizildi: «AMÓZ» JShS-niń josparlanǵan jóndeý jumystary 2022 jylǵa aýystyryldy; osy jylǵy qazan aıynda «AMÓZ» JShS men «PQOP» JShS 100 myń tonna kóleminde qosymsha munaımen toltyryldy, bul óz kezeginde jeltoqsan aıynyń birinshi on kúndiginde qosymsha 29 myń tonna dızel otynyń óndirýge múmkindik beredi; - «PNHZ» JShS-inde munaıdyń bastapqy óńdeý kesheniniń jóndeý jumystary aýystyryldy, bul óz kezeginde osy jylǵy qazan aıynyń birinshi on kúndiginde qosymsha 30 myń tonna dızel otynyn óndirýge múmkindik berdi; Reseı Federatsııasynan 100 myń tonna dızel otynyn jetkizý týraly ýaǵdalastyqqa qol jetkizildi, onyń 43,5 myń tonnasy qyrkúıek aıynda, al 1-20 qazan aralyǵynda shamamen 64,5 myń tonna jetkizildi», - delingen Úkimet basshysy orynbasarynyń jaýabynda.
Onyń atap ótýinshe, osy jylǵy tamyz aıynda avto janar-jaǵarmaı quıý stansalary iri jelilerimen Reseı Federatsııasynan dızel otynyn jetkizý jumystaryn tezdetý týraly keńes ótkizildi. Sondaı-aq, bıyl 12 qazanda bul másele Úkimet otyrysynda qaraldy. Qorytyndysy boıynsha múddeli memlekettik organdar men uıymdarǵa iri munaı bazalaryna qatysty dızel otynyn ótkizýdi jasandy shekteý mánine tekserý júrgizý, barlyq munaı bazalaryn naqty ýaqyt rejıminde janar-jaǵarmaı materıaldary qaldyqtarynyń deńgeıin qadaǵalaýǵa múmkindik beretin avtomatty deńgeı ólsheýishtermen jaraqtandyrý máselesin pysyqtaý tapsyryldy.
«Búginde ishki naryqty retteý boıynsha tujyrymdamalyq tásilder pysyqtalýda. Sonymen qatar, «Eýrazııalyq ekonomıkalyq odaq týraly kelisimniń ortaq qaǵıdattary men erejeleri týraly» hattamaǵa sáıkes Odaqtyń múshe memleketterinde munaı ónimderine memlekettik baǵany retteýge jol berilmeıtinin atap ótemiz», - dedi Roman Sklıar.
