Dızeldik otynǵa degen baǵaǵa shekteý qoıýdy jónsiz dep sanaımyz - S.Myńbaev
TANA. 28 qarasha, QazAqparat /Serik Sábekov/ - Dızeldik otynǵa shekteý baǵalaryn engizýdi jónsiz dep sanaımyz. Bul týraly búgin Úkimet otyrysynyń barysynda QR Munaı jáne gaz mınıstri Saýat Myńbaev málimdedi.
«Birinshiden, ol kóp ákelinbeıdi, ekinshiden, Reseı Federatsııasynan ákelinetin dızeldik otyn sapasy jaǵynan erekshelenedi. 30 gradýstan tómen temperatýrada bizdiń dızeldik otyndy qoldaný boıynsha shekteýler bar. Al baǵalar arqyly ımport jetkizilimderin qadaǵalaý, jaz kórsetkendeı, qolaısyz», - atap ótti S.Myńbaev.
Mınıstr sondaı-aq áýe otynynyń baǵasyna da shekteý engizýge bolmaıtynyn atap kórsetti.
«Erteń áýe otynynyń baǵalary týraly jıyn ótedi. Bul jerde de sheshim qabyldanýy kerek jáne áýe otynynyń baǵalaryn shekteýge bolmaıdy dep oılaımyn», - dep qorytyndylady S.Myńbaev.
