Dııas Nuraqyn Almaty oblysy ákiminiń baspasóz hatshysy boldy

TALDYQORǴAN. KAZINFORM – Almaty oblysy ákiminiń buıryǵymen oblys ákimi baspasóz qyzmetiniń basshysy – baspasóz hatshysy bolyp Dııas Nuraqyn taǵaıyndaldy.

Dııas Ermekuly - Almaty oblysy Kegen aýdanynyń týmasy, 1987 jyly dúnıege kelgen.

2004-2008 jyldary ál-Farabı atyndaǵy Qazaq ulttyq ýnıversıteti jýrnalıstıka fakýltetin támamdaǵan.

2008-2010 jyldary T. Rysqulov atyndaǵy Qazaq ekonomıkalyq ýnıversıteti ekonomıka fakýltetinde bilim alǵan.

Eńbek jolyn 2006-2007 jyldary MIR memleketaralyq telearnasynda aýdarmashy-redaktor retinde bastaǵan.

2007-2008 jyldary KTK telearnasynda «Reporter», «Alań jurt» baǵdarlamalarynda redaktor qyzmetin atqardy.

2008-2009 jyldary respýblıkalyq «Jas qazaq» gazetinde arnaýly tilshi boldy.

2009-2015 jyldary Jetinshi arna jańalyqtar qyzmetinde tilshi bolyp eńbek etti.

2015-2016 jyldary KTK telearnasynyń jańalyqtar tilshisi, «Aptap» aqparattyq-saraptamalyq baǵdarlamasynyń shyǵarýshy redaktory qyzmetterin atqardy.

2016 jyldan bastap osy telearnanyń jańalyqtar qyzmeti aımaqtar qosynynyń redaktory bolyp jumys istedi.

BAQ salasy boıynsha Prezıdent grantynyń ıegeri.

Aıta keteıik, Baýyrjan Ábjanov Ulttyq qorǵanys ýnıversıtetiniń basshysy laýazymyna taǵaıyndaldy.