Dııarbaqyrdaǵy jarylysty «Kúrdistannyń jumysshy partııasy» óz moınyna aldy
ASTANA. QazAqparat - Túrkııanyń Dııarbaqyr qalasynda bolǵan lańkestik áreketti «Kúrdistannyń jumysshy partııasy» óz moınyna aldy, dep jazady 24.kz.
Jarylys bolǵan sát baqylaý kamerasyna túsip qalǵan. Túrik bıligi atalǵan uıymdy ekstremıstik dep tanyp, qyzmetine tyıym salǵan bolatyn.
Esterińizge sala keteıik, kúrdter shoǵyrlanǵan Dııarbaqyrda 31 naýryzda bomba qoıylǵan kólik jarylyp, 7 polıtseı qaza tapty. Taǵy 27 adam jaralandy. Jarylǵysh qurylǵy kóliktiń qasynan tártip saqshylaryn tıegen avtobýs óte bergende, alystan iske qosylǵan edi.
