Dııar Nurǵojaı UFC týrnırindegi alǵashqy jekpe-jeginde jeńilip qaldy

ASTANA. KAZINFORM - Qazaqstandyq faıter Dııar Nurǵojaı UFC týrnırindegi alǵashqy jekpe-jeginde qarsylasyna ese jiberdi. 

Otandasymyz Las-Vegasta (AQSh, Nevada shtaty) ótken UFC Fight Night 254 týrnırinde Brendson Rıbeıromen (16-7) kim myqtyny anyqtady. Aýyr salmaqtaǵy sportshylar arasyndaǵy jekpe-jek úsh raýndqa josparlanǵan. Degenmen Dııardy brazılııalyq faıter 2-raýndta qoldy aýyrtý ádisi arqyly jeńip ketti. 

Dııar Nurǵojaı 1997 jyly 22 sáýirde Almaty oblysynda dúnıege kelgen. Bala kezinde grek-rım kúresi jáne qoıan-qoltyq sportymen shuǵyldandy. 

2021 jyly pankratıon sportynan 100 keli salmaqta álem chempıony atansa, jekpe-jekten Qazaqstan chempıony ataǵyn jeńip aldy. 2017 jyldan beri aralas jekpe-jekten synǵa túsip keledi.

Eske salsaq, álem chempıonatynda qazaqstandyq boksshylardyń qarsylastary anyqtaldy.