Dıvıdendterge salyq salý boıynsha qandaı ózgerister bolady
«Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń kodeksine (Salyq Kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin qoldanysqa engizý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» (Salyq kodeksi)» Qazaqstan Respýblıkasynyń 2022 jylǵy 11 shildedegi №135-VII Zańymen dıvıdendterge salyq salý bóliginde salyq zańnamasyna mynadaı ózgerister kózdelgen:
zańdy tulǵalar
- dıvıdendter bóliginde korporatıvti tabys salyǵy boıynsha jyldyq jıyntyq kiristi oldanystaǵy túzetý alynyp tastaldy;
- qor bırjalarynyń resmı tiziminde (KASE, AHQO) osyndaı dıvıdendterdi esepteý kúnindegi baǵaly qaǵazdar boıynsha alynǵan dıvıdendter jyldyq jıyntyq kiristiten alynbaıdy jáne tólem kózinen salyq salynady (Salyq kodeksiniń 241-baby 2-tarmaǵynyń 4) tarmaqshasyna, Salyq kodeksiniń 307-baby 1-tarmaǵynyń 5) tarmaqshasyna);
- eger salyq kezeńinde bırjada belsendi saýda-sattyq júzege asyrylsa (ólshemsharttardy Úkimet aıqyndaıdy) AHQO-nyń KASE, AHQO bırjalarynda ornalastyrylǵan baǵaly qaǵazdar boıynsha dıvıdendter jyldyq jıyntyq kiristen alynyp tastalady (Salyq kodeksiniń 241-baby 2-
tarmaǵynyń 4) tarmaqshasy).
jeke tulǵalar
- eger salyq kezeńinde bırjada belsendi saýda-sattyq júzege asyrylsa qor bırjalarynyń resmı tiziminde (KASE, AHQO)osyndaı dıvıdendterdi esepteý kúnindegi baǵaly qaǵazdar boıynsha alynǵan dıvıdendter túrindegi kirister boıynsha jeke tabys salyǵyn túzetý qoldanylady (ólshemsharttardy Úkimet aıqyndaıdy) (Salyq kodeksiniń 341-baby 1- tarmaǵynyń 7) tarmaqshasy);
- biryńǵaı stavka boıynsha tólem kózinen jeke tabys salyǵyn salý 10%, dıvıdendter túrindegi kirister úshin 5% stavka alynyp tastaldy (Salyq kodeksiniń 320-babynyń 2-tarmaǵy);
- dıvıdendter túrindegi kiristi túzetý sharttary ózgertildi. Rezıdent zańdy tulǵadan kúntizbelik jyl ishinde 30 000 AEK sheginde alynǵan dıvıdendter boıynsha túzetý kózdelgen (Salyq kodeksiniń 341-baby 1-tarmaǵynyń 8) tarmaqshasy).
Beırezıdentterdiń dıvıdendteri boıynsha
- Salyq kodeksinde belgilengen sharttardy oryndaý kezinde 10% mólsherlemeni belgileı otyryp, beırezıdentterdiń dıvıdendterin (zańdy tulǵa jáne jeke tulǵa) salyq salýdan tolyq bosatý bóliginde jeńildikter alynyp tastaldy(salyq kodeksiniń 646-babynyń 4 jáne 5-tarmaqtary);
- qor bırjasynyń (KASE, AHQO) resmı tizimderinde satylǵan kúni baǵaly qaǵazdar boıynsha beırezıdentterdiń (zańdy tulǵa jáne jeke tulǵa) dıvıdendteri boıynsha jeńildikter saqtaldy. Bul jeńildikter turaqty saýda-sattyqty júrgizý kezinde ǵana qoldanylatyn bolady (ólshemsharttardy Qazaqstan Respýblıkasynyń Úkimeti aıqyndaıdy).
Ózgerister 2023 jyldyń 1 qańtarynan bastap qoldanysqa enedi.
