Dıtrıh Valterdiń áıgili
ATY. 28 maýsym. QazAqparat /Erlik Erjanuly/ - Dıtrıh Valterdiń "Jasyl bıznes" kitaby qazaq tilinde jeke kitap bolyp jaryq kórdi. Onyń tusaýkeser rásimi búgin Almatyda ótip jatqan "Jasyl ekonomıka jáne turaqty damý" dep atalatyn halyqaralyq ǵylymı semınarda ótti.
"Álemge áıgili bul kitpaptyń qazaq tilinde shyǵýy biz úshin úlken abyroı. Ol Turar Rysqulov atyndaǵy Qazaq ekonomıka ýnıversıtetiniń "Ekonomıka" baspasynan jaryq kórip otyr. Ol ǵalymdarǵa, stýdentterge zor paıdasyn tıgizedi dep úmittenemiz. Sebebi bul kitapta búkil álemde "jasyl ekonomıka" qalaı damyp jatyr, qandaı joldary bar ekeni jáne onyń Qazaqstanǵa tıgizer paıdasy aıtylǵan", - deıdi ýnıversıtet rektory, professor Álı Ábishev.
"Men kitabymnyń qazaq tiline aýdarylyp, kitap bop basylyp shyqqanyna qýanyshtymyn. Bul men úshin úlken qurmet. Sizdiń halqyńyz meniń ıdeıalarymdy óz eliniń ekonomıkasan damytýǵa qoldana alady. Óıtkeni sizderdiń elderińizdi jarqyn bolashaq kútip tur", - dedi kitap avtory, Germanııanyń Izerlonyndaǵy Kampýs Seilersee Prezıdenti Dıtrıh Valter. Onyń aıtýynsha, buǵan deıin "Jasyl bıznes" nemis, aǵylshyn, orys, ıspan tilderinde jaryq kórgen. Endi ol jasyl bızneske arnalǵan ekinshi kitabynyń da qazaq tiline aýdarylýyna múddeli bolyp otyr. Ony qyrkúıekte Astana qalasynda QR Prezıdenti Nursultan Nazarbaevpen bolatyn kezdesýde tanystyrmaq.
