Dıssertatsııalyq keńes quramy 40 paıyzǵa qysqarmaq
ASTANA. QazAqparat - Reseıde aǵymdaǵy jyly dıssertatsııalyq keńestiń quramy 30-40 paıyzǵa qysqarady.
Bul týraly Reseıdiń jetekshi JOO qaýymdastyǵynyń otyrysynda Joǵary attestatsııalyq komıssııanyń tóraǵasy Vladımır Fılıppov málim etti, dep habarlaıdy ITAR-TASS.
Fılıppovtyń aıtýynsha, dıssertatsııalyq keńesti osyndaı aýqymda qysqartý jónindegi bastama tómennen, federaldyq okrýgterdiń jumys tobynan túsken.
Eske sala keter bolsaq, jumys tobyn 2012 jylǵy kúzde RF Bilim jáne ǵylym mınıstrligi dıssertatsııalyq keńesti ońtaılandyrý maqsatynda aldymen segiz federaldy okrýgte qurǵan bolatyn. Olardyń basshylyǵyna iri ýnıversıtetterdiń, kóbinese okrýgtterdegi JOO-lardyń rektorlary taǵaıyndalǵan edi.
