Dısneıdiń taǵy bir mýltfılmi qazaqsha ún qatady
ASTANA. 16 mamyr. QazAqparat - Kórsetilimi el kınoteatrlarynda 2013 jylǵy 20 maýsymda ótetin Disney/Pixar «Monstrlar ýnıversıteti» anımatsııalyq fılmin qazaq tiline aýdarý aıaqtaldy.
«Monstrlar Korporatsııasy» mýltfılminiń prıkvely «Bolashaq» qaýymdastyǵynyń, Marwin kompanııasynyń qatysýymen jáne «Altyn Qyran» qaıyrymdylyq qorynyń qarjylyq qoldaýymen qazaq tiline dýblıajy jasaldy. Ol qazaq tiline aýdarylǵan besinshi fılm boldy.
2012 jyly qazaq tiline «Qara kıimdiler 3» ekshn-komedııasy, «Jańa Órmekshi adam» fantastıkalyq fılmi jáne «Batyl jýrek» anımatsııalyq fılmi aýdarylǵanyn esterińizge salamyz. 2011 jyly «Kólikter-2» anımatsııalyq fılmi alǵashqy ret qazaq tiline aýdarylǵan.
«Bolashak» qaýymdastyǵynyń baspasóz qyzmeti habarlaǵandaı, fılmdi dýblıajdaý jumysyna talantty akterler qatysqan. Maık Vazovskı Dýlyǵa Aqmoldanyń daýysymen sóıleıdi («Birjan-sal»). Maıktyń adal dosy jáne seriktesi, Djeıms P. Sallıvan Rýslan Senkebaevtyń daýysymen sóıleıdi. Maık pen Sallıdiń máńgilik qarsylasy - Rendı Boggstyń daýysymen Azamat Qanapıa sóıleıdi. Tanymal qazaqstandyq aktrısa Lıdııa Káden jańa personaj Dekan Hardskrabblge óz daýysyn syılady.
Fılmdi dýblıajdaý Qazaqstanda Cinema Tone Production stýdııasynda ótti. Dýblıajdyń rejısseri - Aıjan Jámshitova. Buryn ol «Jańa Órmekshi adam», «Batyl júrek» jáne «Kólikter-2» fılmderine rejısserlik etken. Fılmdi qazaq tiline Turysbek Sáýketaev jáne Saltanat Dúngenbaeva beıimdegen.
«Monstrlar Ýnıversıteti» anımatsııalyq fılmin dýblıajdaýǵa Baǵanashyl kenti №1 balalar úıiniń tárbıelenýshileri de qatysty.
Treıler jáne posterlerge silteme http://bolashak.kz/ru/news/single/1235 .
