Dısneıdiń mýltfılmderi qazaq tilinde sóıleı bastady
ASTANA. 25 mamyr. QazAqparat /Arman Asqarov/ - «Disney Pixar» kompanııasynyń Qazaqstandaǵy alǵashqy jobasy - áıgili «Kólikter» mýltfılminiń qazaq tilindegi nusqasy maýsym aıynda kórsetiletin bolady.
Bul týraly búgin Astanada ótken baspasóz máslıhatynda «Meloman» kompanııasynyń bas dırektory Vadım Golenko málim etti.
Onyń habarlaýynsha, bul joba «Bolashaq» qaýymdastyǵy men «Altyn qyran» qorynyń qatysýymen qolǵa alynyp otyr. «Búkil álemge áıgili «Kólikter» mýltfıliminiń dýblıajy kezinde biz eń úzdik qazaqstandyq ártisterdi tańdap, olardyń daýystaryn «Dısneı» kompanııasynyń mamandary iriktedi. Bul - Qazaqstannyń tarıhynda bolmaǵan úlken ári jaýapty joba. Menińshe, qazaqsha sóıleı bastaǵan «Kólikter» kórermen qaýymǵa unaıdy. Ony biz shildeniń basynda Astanada ótetin kınofestıvaldiń jumysy kezinde jan-jaqty talqylaıtyn bolamyz. Al oǵan deıin maýysymnyń basynda, ıa bolmasa orta sheninde kórermen qazaqsha «Kólikterdi» kórip, óz baǵasyn bere alady», - deıdi V.Golenko.
«Meloman» kompanııasynyń bas dırektory atap kórsetkendeı, «Kólikter» mýltfıliminiń dýblıajyn jasaǵan ártisterdiń ishinde Almatynyń Muhtar Áýezov atyndaǵy memlekettik akademııalyq drama teatrynyń ártisteri bar.
