Dısneıdiń bir fılmin qazaq tiline dýblıajdaý qansha turady
«Orta eseppen bir fılmniń dýblıajyna 100-150 myń AQSh dollary (37-55 mln teńge aralyǵynda) ketedi. Dýblıajdaý jumysy birneshe kezeńnen turady. Birinshiden, fılmdi jáne stýdııany tańdap alý kerek bolsa, ekinshiden jetpiske tarta adamnan quralǵan shyǵarmashylyq top qurylady. Sebebi, negizgi rólderdiń kastıngin Dısneı kompanııasy belgileıdi. Barlyq mátin aýdarylyp, daýystar jazylyp, barlyq negizgi rólder bekitilgen soń Londondaǵy stýdııada jumys bastalady. ıAǵnı, kompanııanyń barlyq elderge qoıatyn talaptary boıynsha fınaldyq tekserý júrgiziledi. Kompanııa bul máselelerdi qatań baqylaýyna alyp, basqa stýdııada tárjimalanbaýyn qadaǵalaıdy. Sodan keıin baryp fılm qaıtadan Qazaqstanǵa joldanady», - deıdi Dınara Shaıjúnisova.
«Bolashaq» KQ dırektorynyń aıtýynsha, dýblıaj jumysy tap basyp halyqqa usynyla salatyn qarapaıym sharýa emes. Prokatqa shyǵar aldyndaǵy jarnama jumystary da birshama sharýany talap etedi.
«Qazirgi tańda bir ókinishtisi, qazaq tilindegi mundaı fılmderge suranys azdaý. Alaıda, bul jobanyń ıdeologııalyq sıpaty baryn eskerý kerek. Kóp adamda shet tildegi fılmderdi orys tilinde kórý kerek degen qasań qaǵıda qalyptasyp qalǵan. Sol sebepti, bul rette mádenı erekshelikti eskere otyryp, mentalıtetpen jumys isteý kerek. Biraq, men aldaǵy ýaqytta qazaq tilindegi fılmderge suranys artatynyna senemin. Sebebi, úsh balanyń anasy retinde búldirshinderimniń shetel fılmderin ana tilinde tamashalaǵanyn qalaımyn», - deıdi Dınara Shaıjúnisova.
Eske sala ketsek, «Bolashaq» korporatıvtik qory búgin «Ózińnen basta» jobasy aıasynda qazaq tiline dýblıajdalǵan Disney kompanııasynyń 5 jańa fılminiń tusaýkeserin ótkizdi. Qor dırektory Dınara Shaıjúnisovanyń aıtýynsha, osy jyly kishkentaı kórermender nazaryna qazaq tiline aýdarylǵan 5 fılmniń tusaýkeseri daıyndalýda. Atap aıtqanda, 28 naýryzda - «Dambo», 12 mamyrda - «Aladdın», 20 maýsymda - «Oıynshyqtar hıkaıasy 4», 19 shildede - «Arystan patsha» jáne 28 qarashada - «Muzdy ólke 2» týyndylary kórermenge jol tartady.
