Disney World parkinde qoltyraýyn eki jasar balany sýdyń astyna alyp ketti
ASTANA. QazAqparat - AQSh-tyń Florıda shtatyndaǵy Disney World oıyn-saýyq parkinde qoltyraýyn eki jasar balany sýdyń astyna alyp ketti. RIA Novostı agenttiginiń habarlaýynsha, tótenshe oqıǵa seısenbi kúni keshke park aýmaǵynda ornalasqan, bes adamnan turatyn otbasy demalyp jatqan Grand Floridian Resort & Spa qonaqúıiniń janynda oryn alǵan.
Okrýg sherıfi qaıǵyly oqıǵa kezinde otbasy «Jeti teńizdiń lagýnasy» atty jasandy kóldiń jaǵasynda júrgenin málim etti. Kenet sýdan alyp qoltyraýyn sekirip shyǵyp, eki jasar balaǵa shap berdi. Ákesi balasyna kómekke umtylǵanymen, ony qutqarý múmkin bolmady. Reptılııa búldirshindi sýdyń astyna alyp ketti.
Qazirgi kezde polıtsııa balanyń denesin izdep jatyr, alaıda ony tabý múmkin emes te shyǵar, sebebi qoltyraýyndar kóp jaǵdaıda óz qurbanyn tolyq jutyp jiberdi.
