Disney OpenAI-ǵa $1 mlrd ınvestıtsııa salyp, óz keıipkerlerin JI-platformalarǵa lıtsenzııalady

ASTANA. KAZINFORM — OpenAI Walt Disney kompanııasymen úsh jyldyq lıtsenzııalyq kelisim jasasty. Endi ChatGPT Images jáne Sora paıdalanýshylary Disney, Marvel, Pixar jáne Star Wars álemderindegi 200-den astam keıipkerdi sýret jáne vıdeorolık jasaý úshin qoldana alady. Budan bólek, Disney OpenAI-ǵa 1 mıllıard dollar ınvestıtsııa salatyny belgili boldy, dep jazdy 24 kg.

Walt Disney Sora vıdeo jasaý platformasymen kontentti lıtsenzııalaý boıynsha alǵashqy iri serikteske aınalady. Sonymen qatar OpenAI platformasy paıdalanýshylary jasaǵan beınelerdiń arnaıy toptamasy Disney+ servısinde kórsetilmek.

— Tehnologııalyq ınnovatsııalar kóńil kóterý ındýstrııasyn únemi ózgertip, keremet oqıǵalardy jasaý men taratýdyń jańa tásilderin ashady. OpenAI-men seriktestik arqyly biz generatıvti jasandy ıntellekt kómegimen osy múmkindikterdi oıly ári jaýapty túrde keńeıtemiz, sondaı-aq avtorlar men olardyń eńbekterin qurmettep, qorǵaımyz, — dedi The Walt Disney Company bas dırektory Robert A. Aıger.

Buǵan deıin Walt Disney óz keıipkerlerin II-platformalar paıdalanǵany úshin sotqa júgingen bolatyn.

Aıta keteıik, Disney kompanııasynyń kezekti fılmi qazaq tilinde sóıleıdi.