Disney qaharmandarynyń qazaqstandyq analogyn qurýdy armandaımyn- prodıýser

Fılmniń basty mindeti - balalardy qarjylyq saýattylyqqa, ómirdiń barlyq salalarynda áleýmettik beıimdelýge, tsıfrlyq keńistiktegi zamanaýı tendentsııalarǵa úıretý. Kınokartınada jasóspirimder arasyndaǵy ótkir áleýmettik problema - býllıng týraly da kórsetiledi.

- Janar, fılmge tolyǵyraq toqtalyp ótseńiz?

- Qazaqstanda paıdaly jáne mazmundy balalar kınosy az. Biz fılmde jasóspirim kezindegi balalarda kezdesetin problemalardy kórsetemiz.

Bul biregeı talanty men qabileti bar bes jasóspirim týraly qyzyqty fılm bolmaq. Olar Qazaqstandyq balalarǵa úlgi bolady. Fılm qarjylyq saýattylyq, IT-tehnologııalar sııaqty taqyryptardy qozǵaıdy, sonymen qatar buzaqylyqtyń ótkir áleýmettik problemasy men ata-analar jáne jasóspirimder arasyndaǵy qarym-qatynasty qozǵaıdy.

Fılmniń maqsaty - olardyń bıznes-ıdeıalaryn iske qosý men nasıhattaýdyń naqty jaǵdaılaryn kórsetý, sondaı-aq qarjymen jumys isteý modelderi usynylady jáne bıznes-jospar júrgizý ádisteri kórsetiledi.

Stsenarıı boıynsha biz qııal, mýzykalyq jáne komedııa elementterin engizýdi josparlap otyrmyz. Bul janr balalar men jasóspirimder arasynda tanymal.

Sondaı-aq, joba ıdeıasynyń biri - bul dúnıejúzilik qubylys jáne kınotýrızmniń eń myqty draıveri elimizdiń geobrendi. Fılmde bas qalanyń kórnekti jerlerin kórsetýdi josparlap otyrmyz. Mysaly: «EKSPO» dúnıejúzilik kórmesi, «Han Shatyr» saýda, oıyn-saýyq ortalyǵy. Basty keıipkerlerdiń shytyrman oqıǵalary bolatyn «Báıterek» monýmenti. Damyǵan elderdiń tájirıbesi kórsetkendeı, mundaı tásil bizdiń elimizdiń halyqaralyq deńgeıde tanylýyn arttyryp, bizdiń elordamyz - Nur-Sultanǵa keletin týrıst sanyn artyrady.

- Túsirilim aıaqtaldy ma?

- Qazirgi ýaqytta pılottyq nusqasyn túsirdik, ony kıno mamandary joǵary baǵalady. Qazir jobaǵa ınvestıtsııa tartyp jatyrmyz, metsenattardy, demeýshilerdi, seriktesterdi izdestirýdemiz. Sonymen qatar, qala ákimine hat joldadyq. Túsirilim osy jazǵa josparlanǵan, premerasy jeltoqsan aıynada bolady.

- Kastıng áli jalǵasýda ma?

- Qazir munda aýqymdy kastıng ótip jatyr. Instagram paraqshamyzda onlaın, jobada offlaın rejıminde ótedi. Men «Mega Fest» festıvali qozǵalysynyń negizin qalaýshy bolǵandyqtan, Qazaqstannyń túkpir-túkpirinen kelgen 21 myńanan astam daryndy bala qatysyp jatyr. Barlyq tilek bildirýshiler ótinimderdi belsendi túrde tastap jatyr, sonymen qatar biz fılmderde kóptegen talantty balalar qatysa alatyndaı etip, elimizdiń qalalarynda kastıng ótkizýdi josparlap otyrmyz.

– Fılmdi nege osylaı atadyńyz?

- Bul qazaq qyzdarynyń ishinde tanymal esimderdiń qatarynda. Men úshin bul jaı esim emes, kerisinshe balalarymyzdyń ulttyq ereksheliginiń belgisi. Arýjan senimdi túrde fılmniń nemese mýltfılmniń keıipkeri bola alady.

- Kartınanyń ıdeıasy qalaı paıda boldy?

- Meniń balalarmen jumys istegenime 15 jyl boldy. Aıtarlyqtaı tájirbıe jınadym. «ARUJAN» estradalyq vokaly men «Business Erýdıt» Erudite balalar mektebiniń negizin qalaýshysymyn. Kıno arqyly balalarǵa bizdiń qundylyqtarymyzdy jetkizýge bolatynyn túsindim. Sondaı-aq, bizdiń elde tanymal án keıipkerleri joq. Ásirese, Dısneıdiń jobalaryn kórgende men osyndaı tujyrymǵa keldim. Qazaqstandyq balalarǵa fılmderde de, anımatsııada da ózderiniń tanymal keıipkerleri qajet.

- Siz býllıng máselesine de erekshe nazar aýdardyńyz, nege?

- Iá, bul taqyryp sońǵy ýaqytta buqaralyq aqparat quraldarynda jáne qoǵamda belsendi túrde jazyla bastady. Býllıng - ótkir problema: áleýmettik teńsizdik, mekteptegi buzaqylyq, synyptastardyń psıhologııalyq terrory. Qazaqstandaǵy balalardyń 66% -y osyndaı máselelerge tap bolady.

Fılmde osyny kórsetemiz. Kartına keıipkerleri arqyly ata-ana men balalar ózderin kóredi. Kóp jaǵdaıda balalar qıyndyqtarmen jalǵyz kúresedi, qarsy turady. Ár túrli sebeptermen ata-analar balalaryna jetkilikti túrde nazar aýdarmaıdy.

- Bul fılmnen ne kútesiz?

- «ARUJAN & DOSTARY» fılmi - bul armanǵa qol jetkizýge arnalǵan shytyrman janrdaǵy jospar. Ol maqsatqa jetýdiń naqty qadamdaryn úıretedi jáne jasóspirimderdiń qazirgi ómirin beıneleıdi. Bul ata-analarǵa balalarymen bolyp jatqan protsesterdi túsinýge arnalǵan ádistemelik usynys bolady dep senemiz. Jas urpaqqa deni saý ulttyń qundylyqtaryn qalyptastyrý úshin durys mazmun qajet bolǵandyqtan, biz jobamyzǵa senemiz!

- Rahmet!