Dıskvalıfıkatsııalanǵan reseılik aýyr atletter Qazaqstan azamattyǵyn almaq
ASTANA. QazAqparat - Dopıng úshin sporttan shettetilgen Reseıdiń tórt aýyr atleti Qazaqstan azamattyǵyn alýǵa nıetti, dep habarlaıdy Sports.kz.
2015 jylǵy Eýropa chempıonatynyń júldegeri Nadejda Lıhacheva, 2017 jylǵy Reseı jasóspirimder birinshiliginiń júldegeri Marııa Andreeva, 2014 jyly jasóspirimder arasynda chempıon bolǵan Denıs Kehter jáne 2014 jyly ótken Jastar arasyndaǵy álem chempıonatynyń jeńimpazy Larısa Kobeleva bapkerleri Nazıp Shıgapovpen birge jyl basynda Qazaqstanǵa kóship kelgen. Jáne championat.com-nyń habarlaýynsha, azamattyq alýǵa ótinish bergen. Qazir olar oqý-jattyǵý jıyndary ótip jatqan Almaty oblysynyń Tekeli qalasynda turady.
Aıta ketetin jáıt, Kehter men Kobeleva qazirgi ýaqytta dopıng qoldanǵany úshin tórt jyldyq (2019 jyldyń kókteminde aıaqtalady) dıskvalıfıkatsııany óteýde.
