«Dıskaverı» shattlynyń qonýy jaısyz aýa raıyna baılanysty keıinge qaldyryldy
ASTANA. Sáýirdiń 19-y. QazAqparat - Kanaveral múıisindegi ǵarysh aılaǵy aýmaǵyndaǵy jaısyz aýa raıyna baılanysty «Dıskaverı» shattlynyń (derbes qonatyn shaǵyn ǵarysh kemesi) qoný ýaqytyn shegerýge sheshim qabyldandy, dep habarlaıdy QazAqparat Associated Press agenttigine silteme jasap.
Meteorologııalyq boljaýlarǵa sáıkes, qoný belgilengen ýaqytta (Astana ýaqytymen 19:48) amerıkalyq ǵarysh aılaǵynda bulttar jaıylýy tym tómen jáne jańbyrly boldy. Mamandar ǵaryshtyq shaǵyn kemeniń qoný ýaqytyn astanalyq ýaqytpen 21:23-ke shegerdi.
Shaǵyn keme bortynda jeti ekıpaj múshesi, onyń ishinde úsh áıel bar. Óz saparlary barysynda olar ǵarysh stansasynyń muzdatqyshy quramyna kiretin suıyq ammıakty bóshkeni aýystyrǵan edi. Munan basqa «Leonardo» kóliktik modýlinde shattl stansaǵa kóptegen túrlishe ózge de júkterdi, atap aıtqanda, HǴS (halyqaralyq ǵarysh stansasy) turǵyndary úshin uıyqtaý tósekterin, tájirıbelik qural-jabdyqtar, jańa sporttyq jattyǵýlar jabdyqtaryn jetkizip berdi.
Shattldyń, sáýirdiń 5-inde ushyp shyqqanynan keıin, santımetrlik aýqymda jumys isteıtin antennasy aqaýǵa ushyrady. Al ol Jerge kóp kólemdi, atap aıtsaq, baqylaý kezinde alynǵan shaǵyn kemeniń syrtqy kómkerisindegi aqaýlary týraly da, málimetterdi jetkizý úshin qajetti qural. Osy joly baqylaý jumystary úshin astronavtar stansanyń antennasyn paıdalandy, onyń ústine sapar uzaqtyǵyn bir táýlikke ulǵaıtýǵa týra keldi.
