«Dıskaverı» arnasy onjyldyqtaǵy basty jańalyqtar reıtıngin jarııalady
ASTANA. Jeltoqsannyń 21-i. QazAqparat - Ǵylymı-kópshilik «Dıskaverı» jýrnaly onjyldyqtaǵy basty jańalyqtar reıtıngin jarııalady. Tańdaýdy jýrnal redaktsııasy júzege asyrdy,
dep habarlaıdy QazAqparat Lenta.rý saıtyna silteme jasap.
Birinshi oryn muzdaqtardyń jyldam erýiniń shynaıylyǵy dáleldengen jumystarǵa berildi. Redaktsııanyń pikirinshe, temperatýranyń artýy, muhıttar deńgeıiniń kóterilýi jáne muzdaqtar alańdarynyń qysqarýy jahandyq jylyný úderisiniń damýyn is júzinde aıǵaqtaıdy.
Tizimdegi ekinshi orynǵa «Adam geni» jobasy ornalastyryldy. Joba aıasynda Homo sapien DNK-siniń sabaqtastyǵy tolyq anyqtaldy. Reıtıngtiń úshinshi orny Mars topyraǵynan sýdyń alynýyna berildi. 2008 jylǵy mamyrdyń 26-synda ǵalamshardyń soltústik polıýsyna jaqyn mańǵa qonǵan «Fenıks» apparaty topyraq úlgilerin qyzdyrady, al onyń quraldary muzdyń qatyp qalǵan H2O ekenin rastady.
Tórtinshi oryn aǵza jasýshalarynyń jańa kózderin tapqan zertteýshilerge buıyrdy. Besinshi orynda - mı sıgnaldarynyń kómegimen adamdarǵa protezderdi basqarýǵa múmkindik beretin tehnologııalar. Altynshy oryn astronomdardyń ekzotıkalyq ǵalamshardy sýretke túsirip alǵan jumystaryna berildi. Jetinshi oryndy - adamdardyń jańa arǵy tekteriniń ashylýyna, segizinshi oryndy qarańǵy materııanyń ómir súrip otyrǵanyn dáleldeıtin jumystar ıelendi. Toǵyzynshy orynǵa tırannozavr súıekteriniń qaldyqtarynan kollagen alý jumystary jaıǵastyryldy. Al onynshy orynda - Kúndi aınalyp qozǵalatyn jańa iri ǵaryshtyq deneniń - Erıda ergejeıli ǵalamsharlarynyń ashylýy boldy.
