Discovery Chanel telearnasynyń Elbasy týraly 1991 jylǵy sıýjeti jarııalandy

ASTANA. QazAqparat - QR Prezıdentiniń baspasóz qyzmeti 1991 jyldyń qyrkúıek aıynda Discovery Chanel telearnasynyń efırine shyqqan World Monitor (avtory Saımon Marks) baǵdarlamasynyń arhıvtik sıýjetin jarııalady, dep habarlaıdy «QazAqparat» HAA tilshisi.

Aqordanyń baspasóz qyzmeti Feısbýkte tórt mınýttyq vıdeony jarııalap: «Bir aıdan soń, 27 qazan kúni Elbasy Ulybrıtanııa jáne Soltústik Irlandııa Birikken Koroldigi basshylyǵynyń shaqyrýymen osy elge resmı saparmen attanyp ketti», - dep jazǵan.

Vıdeoda Nursultan Nazarbaevtyń jumys ústindegi protsesi men demalysy, áriptesteri men otbasy, minberden sóz sóıleý sátteri men kezdesýleri kórsetilgen.

«Eń aýyr, qıyn jumys árdaıym ekrannan tys, ıýpıterden tys qalady. Sondyqtan qazirgi qıyn ýaqytta halyqtyń senimine ıe bolyp, Prezıdent ataný - qyzyl kilemder men televızııalyq kamera emes, bul, negizinen, óz-ózińdi shekteý jáne eńbek. Bul meniń oıym. Ol shyntýaıtynda solaı», - dep atap ótti telearnaǵa suhbat bergen Qazaqstan Prezıdenti.