Dırektorlar 1 mektepti 7 jyldan artyq basqara almaıdy
«Bilim berý uıymyna taǵaıyndalǵannan kúnnen bastap 4 jyl laýazymdy qyzmette bolǵan basshylar rotatsııalanady. Bul rette birinshi basshynyń bir bilim berý uıymynda laýazymdy qyzmet atqarýyna ruqsat etilgen eń uzaq merzim 7 jyldan aspaıdy», - delingen Úkimet basshysy orynbasarynyń jaýabynda.
Onyń atap ótýinshe, rotatsııa júrgizý úshin bilim berý basqarmasynyń kadr qyzmeti aýysýy tıis birinshi basshylardyń tizimin ázirleıdi. Pedagogtardy attestatsııadan ótkizý erejesi men tártibine sáıkes, birinshi basshy jumysynyń tıimdilik kórsetkishteri boıynsha esep túziledi. Ol jumys baǵyttary boıynsha 10-nan astam ólshemshartty qamtıdy.
«Tıimdilik kórsetkishterine qatysty málimetterdi bilim berý basqarmalarynyń, ádistemelik kabınetterdiń, buqaralyq aqparat quraldarynyń, bilim salasyndaǵy qoǵamdyq birlestikterdiń ókilderinen jasaqtalǵan jáne materıaldardy shynaıy ári jan-jaqty zerdeleý úshin konsýltatıvtik-keńes organy sanalatyn komıssııa qaraıdy. Atestattaý erejelerinde kórsetkishter boıynsha ólshemsharttar men tıisti balldar aıqyndalǵan. Bul jemqorlyq táýekelderin tómendeted. Rotatsııalanatyn birinshi basshy qoıylǵan balldyń durystyǵyn, negizdiligin qaıtadan teksere alady», - dedi Eraly Toǵjanov.