Dırektordyń muǵalimdi jumysqa qabyldaý quzireti alynyp tastalýy múmkin

TÚRKІSTAN. QazAqparat - Túrkistan oblysynda sybaılas jemqorlyqqa qarsy kúres kúsheıtiledi jáne aýdan, qala ákimderi men basqarma basshylaryna qoıylatyn jaýapkershilik joǵarylaıdy. Bul týraly búgin Túrkistan oblysynda sybaılas jemqorlyqtyń aldyn alý jáne boldyrmaý týraly májilisinde oblys ákimi Janseıit Túımebaev málimdedi, dep habarlaıdy QazAqparat tilshisi.

Óńir basshysy paraqorlyqqa, zańsyzdyqqa jol bergen laýazymdy tulǵalarǵa qatań shara qoldanylatynyn aıtyp, qyzmetkerlerine eskertý jasady. Oblystyq bilim basqarmasy basshysynyń orynbasary A.Sadyqovanyń aıtýynsha, óńirde korrýptsııanyń aldyn alý úshin basqarma tarapynan birqatar qyzmetterdi tsıfrlandyrý sharalary qolǵa alynǵan. Máselen, mektepke deıingi bilim berý uıalaryna joldama berý jáne kezekke qoıý avtomattandyrylyp, 12 myńnan astam bala balabaqshaǵa ornalasqan. ıAǵnı, adamı faktor azaıyp, ótinishter elektrondy túrde rettelgen. 902 orta mektep mektep.sitcen.kz júıesine qosylyp, oqýshylar osy arqyly mektepke qabyldanyp jatyr. Búginde 53031 oqýshy elektrondy túrde 1-synypqa qabyldanǵan. Sonymen qatar, 902 bilim uıasynda jumys.sitsen.kz júıesi engizilip, 2718 ótinish kelip túsken. Júıe qyzmeti arqyly 321 muǵalim jumysqa qabyldandy. Qazirgi tańda júıede 652 bos jumys orny týraly málimet tur. Endi ustazdarǵa dırektorǵa nemese basqalarǵa jolyqpaı jumysqa ornalasý júrgizilýde. Al, tehnıkalyq qyzmetkerlerdi jumysqa qabyldaýdy mektep dırektorynyń quziretinen alyp tastap, aýtsorsıngke ótkizý usynysy qarastyrylyp jatyr.

Jıynda jer qatynastary, memlekettik satyp alý salasyndaǵy zańbuzýshylyqtar da talqylanyp, syıbaılas jemqorlyqqa qarsy kúres jónindegi komıssııanyń jumysyn kúsheıtý kerektigi aıtyldy.

Oblys ákimi J.Túımebaev basqarma basshylarynyń esebin tyńdap, elge shynaıy otanshyldyq sezimmen adal qyzmet etý kerektigin aıtty.

 «Sybaılas jemqorlyq - qoǵamnyń indeti. Sondyqtan halyq arasynda sybaılas jemqorlyqqa qarsy mádenıetti qalyptastyrý jumystary qolǵa alynyp, bilim berý uıymdarynda mádenı-aǵartýshylyq jumystary atqarylsyn. Sybaılas jemqorlyqqa qarsy komıssııasy janynan ishki taldaý jumystaryn júrgizý úshin jumysshy toby qurylýy tıis. Memlekettik mekemeler ashyq ári elge jaqyn bolyp, sapaly qyzmet kórsetsin. Sybaılas jemqorlyq faktileri tirkelgen ári osy indetke qarsy tıisti dárejede qadaǵalaý júrgizbegen laýazymdy qyzmetkerlerdiń máselesi qatań qaralatyn bolady»,- dedi Janseıit Túımebaev.

Oblys ákimi jıyndy qortyndylap,  aýdan, qala ákimderi men basqarma basshylaryna jemqorlyqqa qarsy kúresti kúsheıtý jóninde tapsyrma berdi.