Dıplommen aýylǵa: Jambylda 201 maman aýylǵa attandy
Baǵdarlamamen aýylǵa barǵandardyń basym kópshiligi bilim jáne densaýlyq saqtaý salasynda eńbek etip júr. Naqtyraq aıtsaq, memlekettik jobaǵa qatysýshylarynyń 121-i bilim, 55-i densaýlyq saqtaý, 30-y aýyl sharýashylyǵy jáne 5 maman mádenıet pen sport salasyna tartylǵan.
Jalpy joba joba bastalǵaly beri oblysta 1700-deı maman aýyldarǵa barǵan. Alaıda óńirde muǵalimder men dárigerler áli de tapshy. Ásirese Qordaı, Shý, Baızaq jáne Jambyl aýdandarynda bul másele ótkir sezilip otyr. Jalpy bıyl 256 jas mamanǵa jeńildetilgen nesıe berý josparlanǵan. Taǵy 277 adam aýyldy eldi mekenderde jumys isteýge ótinish bergen.
«Oblysymyzda búgingi kúni 227 mamanǵa taǵy da mamandardyń tarapynan qajettilik kelip tústi. Ol 1 mıllıardqa jýyq nesıe alý boıynsha. Endi bizde bólinetin 5,2 mıllıard teńge kólemine oblystyń qajettiligine usynys jasadyq. Naqtylaý barysynda bul qarjydan ózimizdiń úlesimizdi alatyn bolamyz. Alaıda, baǵdarlamada naqty osyndaı mamandyqqa basymdyq berilsin degen nusqama joq. Kezek boıynsha mamandar eldi mekenge kelip óziniń ótinimin beredi. Sol kezekke sáıkes onyń ótinimi qarastyrylady. Bul másele depýtattarmen de qarastyrylýda. Ár óńirde qandaı mamanǵa tapshylyq bar, sol boıynsha basymdyqty sol mamandyqqa berý týraly. Biraq bul ózgeris áli jobaǵa engizilgen joq»,- oblystyq ekonomıka jáne bıýdjettik josparlaý basqarmasynyń basshysy Gúldana Jaýynbekova.
Aıta ketý kerek, bıyl «Dıplommen aýylǵa» baǵdarlamasymen eki baǵyt boıynsha beriletin áleýmettik kómek kólemi artty. Buryn kóterme járdemaqy 176 myń teńge bolsa, endi 252 myń teńgege kóterildi. Al 0,01 paıyzben beriletin bıýdjettik nesıe 1500 aılyqtyq eseptik kórsetkishke kóbeıgen.
