«Dıplommen aýylǵa» kelip, kórshisinen zorlyq kórgen jas túlek aýrýhanadan shyqty
ASTANA. QazAqparat - Medıtsına ýnıversıtetiniń 25 jastaǵy túlegi aýrýhanada bir aıǵa jýyq emdeldi.
19 qyrkúıek kúni jedel medıtsınalyq járdem aýrýhanasyna kórshisinen zábir kórgen áıel jetkizilgen bolatyn. Dárigerler jaǵdaıyn ortasha aýyr dep baǵalady: onyń tisteri synyp, denesinde saý jeri bolmaǵan. Aýrýhanada ózge dárigerlermen birge psıhologtar jumys istedi, dep habarlaıdy QazAqparat Aqtóbeniń "Dıapazon" gazetine silteme jasap.
«Naýqastyń jaǵdaıy jaqsardy, jaqyn kúnderi aýrýhanadan shyǵardyq, turǵylyqty jerinde qosymsha em qabyldaıtyn bolady», - dep atap ótti jedel medıtsınalyq járdem aýrýhanasynyń bas dáriger orynbasary Ardaq Esenjolova.
Kelinshek jumys isteıtin Áıteke bı aýdandyq aýrýhanasy onyń aýylda qalatyny, ne qalmaıtyny áli belgisiz ekenin habarlady.
25 jastaǵy dáriger tórt aı buryn «Dıplommen aýylǵa» baǵdarlamasy boıynsha shalǵaıdaǵy aýylǵa jumysqa kelgen. Ony 47 jastaǵy kórshisi aıaýsyz soqqyǵa jyǵyp, zorlaǵan. Qylmys dárigerdiń úıinde oryn alǵan. Qyzdyń daýysyn estigen ózge kórshi jedel járdem men polıtsııa shaqyrǵan.
Jas dáriger jeti aılyq ulyn jalǵyz ózi tárbıeleýde. Oqıǵadan keıin emizýli balany týystary alyp ketken.
Jábirleýshi kúdikti qamaýǵa alyndy.Onyń bes balasy bar, úlken balalary otbasyn qurǵan.
