«Dıplommen aýylǵa» baǵdarlamasy aıasynda bıýdjettik kredıt kólemi 2,5 myń AEK-ke deıin ulǵaıady

ASTANA. QazAqparat – «Dıplommen aýylǵa» baǵdarlamasy aıasynda beriletin bıýdjettik kredıt kólemi 2,5 myń aılyq eseptik kórsetkishke deıin ulǵaıtylmaq. Bul týraly Senattyń «Óńir» depýtattyq tobynyń otyrysynda Ulttyq ekonomıka vıtse-mınıstri Baýyrjan Omarbekov aıtty, dep habarlaıdy QazAqparat tilshisi.

«Dıplommen aýylǵa» baǵdarlamasy aıasynda nesıeniń eń joǵary mólsheri 1 500 aılyq eseptik kórsetkish bolsa, endi ony ulǵaıtýǵa qatysty is-shara kózdelip otyr. ıAǵnı, bıýdjettik kredıt kólemin 2 000-2500 aılyq eseptik kórsetkishke deıin, al kóterme ústemaqyny 100 AEK-ten 200 AEK-ke deıin 2 ese ulǵaıtý boıynsha usynystar jınaý tapsyrmasy berildi. Qazirgi tańda osy baǵytta jumys júrgizilip jatyr», - dedi vıtse-mınıstr.

Sonymen qatar ol aýyldyq jerlerdiń ınfraqurylymdyq máselelerin sheshý quraldarynyń biri «Aýyl el - besigi» jobasy bolǵanyn atap ótti.

«Bul joba 2019 jyldan beri júzege asyrylyp kele jatyr. Sol 2019-2022 jyldardyń aralyǵynda 1 031 aýyldyq eldi mekende 3700-deı joba iske asty. Jalpy, 326 mlrd teńge qarjy ıgerildi. 2023-2025 jyldary bıýdjetten transfertterdi qaraý kezinde jyl saıyn 102,2 mlrd teńge bólý qarastyryldy», - dedi Baýyrjan Omarbekov.