Dıplommen aýylǵa: 13 jylda úı alý úshin 45 myń mamanǵa nesıe berildi

ASTANA. QazAqparat – 2009-2022 jyldar aralyǵynda «Dıplommen aýylǵa» jobasy arqyly 45 myń mamanǵa turǵyn úı satyp alý úshin kredıt berildi. Ortalyq kommýnıkatsııalar qyzmetindegi brıfngide QR Ulttyq ekonomıka vıtse-mınıstri Baýyrjan Omarbekov osylaı málim etti, dep habarlaıdy QazAqparat tilshisi.

«Aýyldyq jerlerde kadrlyq áleýetti arttyrý maqsatynda 2009 jyldan bastap «Dıplommen aýylǵa» jobasy iske asyrylýda. 2009-2022 jyldardyń qorytyndysy boıynsha 95 myń maman kóterme járdemaqy jáne 45 myń maman turǵyn úı satyp alý úshin bıýdjettik kredıtter aldy. Sondaı-aq bıyl «Dıplommen aýylǵa» jobasyn iske asyrýǵa turǵyn úı satyp alý úshin bıýdjettik kredıtter berýge 3 800 mamanǵa 20 mlrd teńge bólindi», - dep josparlardy málim etti Baýyrjan Omarbekov.

Sonymen birge, brıfıngi barysynda vıtse-mınıstr óńirlerdegi jergilikti organdar úshin júrgiziletin memlekettik satyp alý rásimderi jeńildeıtinin atap ótti.

Buǵan qosa, ol «Jergilikti ózin-ózi basqarý týraly» QR Zań jobasy sheńberinde maslıhatqa ákimniń jumysyna monıtorıng jasaý ókilettigi beriletinin aıtty.

Qosa ketsek, Baýyrjan Omarbekovtyń sózinshe bıyl «Aýyl - El besigi» jobasyna qosymsha 55 mlrd teńge bólý josparlanyp otyr.