Dıplomdyq jumysty satyp almaq bolǵan aqtóbelik magıstr aldanyp qaldy
AQTÓBE. KAZINFORM – Aqtóbede magıstr dıplomdyq jumysty satyp almaq bolyp, 125 myń teńgesinen aıyryldy. Polıtsııa alaıaqtyq boıynsha ǵana is qozǵady.
Aqtóbe qalasyndaǵy joǵary oqý oryndarynyń birinde oqıtyn 27 jastaǵy magıstr aldanyp qaldy. Ol dıplomdyq jumys satyp almaq bolyp, aldymen Instagram jelisi arqyly hat almasady. Keıin WhatsApp arqyly habarlasyp, 125 myń teńge aýdarady.
— Dıplomdyq jumys jazylmady ári magıstr aqshasynan aıyryldy. Qazirgi kezde «Alaıaqtyq» faktisi boıynsha ǵana is qozǵalyp, tergeý júrip jatyr. Sonymen birge keıingi ýaqytta belgisiz adamdar ózderin emhana qyzmetkeri retinde tanystyryp, azamattarǵa shuǵyl túrde medıtsınalyq test tapsyrý qajet ekenin habarlap, qońyraý shalady. Artynsha 1414 qysqa nómirinen SMS-habarlama jiberip, kodty telefon arqyly aıtýyn suraıdy. SMS-habarlamany adamdarǵa aıtýǵa qatań tyıym salynady, — dedi oblystyq PD baspasóz qyzmetiniń jetekshisi Erbolat Sarqulov.
Buǵan deıin aqtóbelik zeınetker ınvestıtsııa salmaq bolyp, 4,7 mln teńge aqshasynan aıyryldy. Taǵy bir turǵyn áleýmettik jeli arqyly jas jigitpen tanysyp, ózine nesıe rásimdegen.