Dıplomattar: Irannyń ıadrolyq baǵdarlamasy boıynsha kelisimge qol jetkizildi
ASTANA. QazAqparat - Iran men «altylyq» elderi (AQSh, Frantsııa, Ulybrıtanııa, Germanııa, Qytaı men Reseı) Tegerannyń ıadrolyq baǵdarlamasy boıynsha kelisimge qol jetkizdi, dep málimdedi dıplomattar.
Bı-bı-sı habarlaǵandaı, kelisim boıynsha Iran MAGATE ınspektorlarynyń óz nysandaryna kirýine ruqsat beredi, batys elderi óz kezeginde birtindep Iranǵa qoıylǵan sanktsııalarynan bas tartady.
Eýroodaqtyń syrtqy saıası qyzmeti habarlaǵandaı, Tegerannyń ıadrolyq baǵdarlamasy boıynsha kóp jyldyq kelisimderge núkte qoıýy tıis «altylyq» elderiniń syrtqy ister mınıstrleriniń kezdesýi seısenbi kúni London ýaqyty boıynsha saǵat 9:30-da Venada kezdesý ótkizedi.
«Altylyq» elderi men Iran 100 bettik qujat daıyndady. Onda Irannyń ıadrolyq baǵdarlamasynyń qysqarýy men halyqaralyq sanktsııalardyń alynýy týraly jazylǵan.
Irannyń ıadrolyq baǵdarlamasyna baılanysty Iran men Batys elderi arasyndaǵy daǵdarys 13 jylǵa sozyldy.
