Dıplomat soǵysqa narazylyq bildirip, otstavkaǵa ketti
ASTANA. Qazannyń 27-si. QazAqparat - Burynǵy amerıkandyq teńiz jaıaý áskeriniń qyzmetkeri dıplomatııalyq qyzmetke aýysqan soń Aýǵanstandaǵy soǵysqa naryzylyq retinde otstavkaǵa ketti. Ol osyndaı qadamǵa barǵan alǵashqy amerıkandyq sheneýnik, dep habarlaıdy Utro.ru saıty.
Metıý Ho Iraktaǵy soǵysqa qatysqan, al qyzmetten bosaǵannan keıin Memlekettik departamentke jumysqa aýysqan. Kúni keshege deıin ol tálibterdiń pármeni júrip turǵan aýǵannyń Zabýl provıntsııasynda jumys istep kelgen.
«Men Qurama Shtattardyń Aýǵanstanǵa kelýdegi strategııalyq maqsattaryn túsinýden qaldym jáne senimimdi joǵalttym», - degen Metıý Ho qazannyń 10-ynda qyzmetten ketý týraly jazǵan ótinishinde.
