Dıplomat Qytaıdaǵy Qazaqstan týy jaıly qyzyqty oqıǵany eske túsirdi
ASTANA. QazAqparat - QR SІM baspasóz qyzmetiniń basshysy Ánýar Jaınaqov 90-shy jyldardyń basynda Qytaıdaǵy Qazaqstan týyna qatysty qyzyqty bir oqıǵany eske túsirdi.
Onyń aıtýynsha, buryn tájirıbe qalyptaspaǵandyqtan jaǵdaı kúrdeli bolǵan. Táýelsizdik alǵan sátte basqa da problemalar arasynda jańa memlekettik syrtqy saıasatyn qalyptastyrý, júrgizý ózekti edi.
Óziniń Feısbýktaǵy paraqshasynda ol burynǵy dostary aıtqan Qytaıdaǵy qyzyqty oqıǵany eske aldy. «90-shy jyldardyń basynda Qytaıdaǵy Qazaqstannyń elshisi bolyp Murat Áýezov taǵaıyndaldy. Elshilik ashý jumystary bastalyp ketti. Laıyqty ǵımarat taýyp, kólik, qajetti zattar satyp alý kerek boldy. Elshimiz hattama boıynsha barlyq nıýanstardy saqtaýdy talap etetin alǵashqy resmı sharaǵa barmaqshy bolady.
Sol kezde basty kólikke tý ilinbegeni belgili boldy. Al táýelsiz memleketttiń elshisi óz eliniń týyn ilmeı, resmı kezdesýge barýy ersi jaǵdaı. Sol kezde dıplomattar jol taýyp ketti. Qys kezi, kún sýyq bolatyn. Soǵan qaramastan, elshiniń janyndaǵy elshilik qyzmetkerleriniń biri kóliktiń aldyńǵy ornyna otyryp, shaǵyn kólemdi kógildir týdy alyp, tereze shyǵaryp ustap otyrǵan. Osy oqıǵany qarap turǵan qytaılyqtar buǵan ań-tań bolyp edi», - dep jazdy ol.
Jaınaqov saǵat 18.15-te «Habar» arnasynda «Uly dala dıplomatııasy» derekti fılmi kórsetiletinin aıtty. Onda Tuńǵysh Prezıdenttiń basshylyǵymen Qazaqstannyń syrtqy saıasaty qalaı qalyptasqany jaıly aıtylady.
