Dıplom qorǵaý jáne jumyspen qamtý máseleleri sóz boldy

ASTANA. 4 shilde. QazAqparat - Almaty qalasyndaǵy jańa tehnologııalar kolledjinde dıplom jumystaryn qorǵaý ashyq túrde ótti. «Tehnıkalyq qyzmet kórsetý, jóndeý jáne avtomobıl kóligin paıdalaný»  fakýltetiniń túlekteri alǵan bilimderin dáleldedi.

Osy sharaǵa óńirge barǵan saparynda QRParlamenti Májilisiniń depýtaty, «Nur Otan» HDP fraktsııasynyń múshesi Gúlmıra Isımbaeva qatysty.

Oqý ornynyń ár túlegi óziniń dıplomdyq jumysyn kórneki quraldar arqyly kórsetti. Atap aıtqanda, modeler túlekter sporttyq jáne ulttyq taǵy basqa kıim úlgileriniń jańa toptamalaryn tanystyrdy.

Dıplomdyq jumys jobasyn qorǵaýdyń qorytyndylary shyǵarylǵan soń, jumys berýshiler túlekterge shaqyrýlaryn jarııa etti.

* * *

Osy kúni depýtat G.Isımbaeva Túrkisib aýdanynda bolyp, jumyspen qamtý jáne áleýmettik baǵdarlamalar basqarmasynyń ókilderimen kezdesti. Onda «Jumyspen qamtý - 2020» baǵdarlamasyna qatysty máseleler talqyǵa salyndy.

Kezdesý barysynda depýtat atalǵan baǵdarlamanyń júzege asýy týraly aıtyp berdi. Sondaı-aq Parlament Májilisiniń jańa shaqyrylymynda talqyǵa salynǵan mıkroqarjy uıymdary týraly, jastar saıasaty týraly zań jobalary jáne zeınetkerlik jasqa qatysty óz pikirin bildirdi. Sonymen qatar densaýlyq saqtaý salasy boıynsha elimizdiń azamattary úshin bekitilgen tegin medıtsınalyq kómektiń kepildik berilgen kólemi jóninde aıtyp berdi.

Odan keıin depýtat jumyspen qamtý, zeınetaqy jáne basqa da áleýmettik máselelerdi qamtyǵan azamattardyń jeke suraqtaryna jaýap berdi. «Túrkisib aýdany múgedekteri qoǵamynyń» tóraǵasy D.Júnisbaevtyń múgedekter úshin arnaıy memlekettik járdemaqy kólemin ulǵaıtý týraly ótinishin qaraý úshin qabyldap aldy.