Dıplom basyp bere beretin JOO-lardy jabý qajet - Prezıdent
«Bilim sapasyn arttyrý úshin men joǵary oqý oryndaryna qoıylatyn talapty qatańdatýdy tapsyrǵan edim. Jalǵan dıplomdar beretin keńselerge bizdiń júıemizde múldem oryn bolmaýy tıis. Bul jumystardy tabandy túrde ári barynsha qysqa ýaqytta aıaqtaý kerek. Biz bul jaıynda Bilim mınıstrmen sóılesken edik. Qandaı qıyndyq bolsa da, JOO-dep atalatyn olardy kim qorǵasa da bul jumysty aıaqtaý kerek. Dıplom basym shyǵaratyn bul mekemelerdi tabandy túrde jabý qajet», - dedi Memleket basshysy.
QR Prezıdenti munan bólek, kezeń-kezeńimen joǵary oqý oryndarynyń profılızatsııalanýyn, mamandanýyn, sonymen birge bilim sapasyn qamtamasyz etý qajettigin basa aıtty.
«Bilim sapasynyń mańyzdy aspektisi akademııalyq adaldyq mádenıetiniń jan-jaqty damýyn engizý bolýy tıis. Mınıstrlik akademııalyq adaldyq lıgasynyń múshesi sanalatyn joǵary oqý oryndaryn qoldaýǵa jáne damytýǵa mindetti», - dep atap ótti Qasym-Jomart Toqaev.
