Dıotty baǵdarsham shyǵarýshylar Aqtóbeniń úzdik óndiris orny atandy
Aqtóbeniń úzdik taýary anyqtaldy. «Qazaqstannyń úzdik taýary» baıqaýyna Aqtóbedegi «Svetokom» kompanııasy qatysady.
«Baıqaý jergilikti taýar óndirýshilerdi yntalandyrady, jigerlendiredi. Jyl ótken saıyn óńirde jańa óndiris oryndary iske qosylyp jatyr. Máselen, «Aqtóbe» ındýstrıaldy aımaǵynda hımııalyq qospa men antıfrıza óndirisi iske qosyldy. Mundaı óndiris oryndarynyń artýy kerek. Sebebi, ekonomıkamyzdyń qýaty óndiris oryndarymen ólshenedi»,- dedi oblys ákiminiń orynbasary Qaırat Bekenov.
«Qazaqstannyń úzdik taýary» baıqaýyna bıyl 40-qa jýyn óndiris orny qatysty. Olardyń arasynda Aqtóbe munaı jabdyqtary zaýyty, Aqtóbe órtke qarsy jabdyqtar zaýyty men qurylys materıaldaryn shyǵaratyn óndiris oryndary bar. Aýyl sharýashylyǵy qurylymdary men kondıterlik tsehtar da baıqaýda baq synady. Іri óndiris oryndarymen qatar shaǵyn jáne orta bıznes ıeleri de Aqtóbeniń úzdik taýaryn shyǵarýshy atanýǵa ótinish berdi. «Óndiristik maqsattaǵy úzdik taýar» nomınatsııasyn «Svetokom» JShS jeńip aldy. Bul baǵdarsham shyǵaratyn Qazaqstandaǵy jalǵyz óndiris orny. Naryqta 10 jyldan astam ýaqyt tájirıbesi bar óndiris ornynda dıotty baǵdarshamnyń 20-dan astam túri ázirlenedi. Qazirgi kúni elimizdiń ár óńirinde Aqtóbede jasalǵan baǵdarsham qondyrylǵan. qazaqstandyq ónim úlesi 80 paıyzǵa jetti.
«Qazaqstannyń úzdik taýary» marapaty kez kelgen óndiris ornynyń tósbelgisi bola alady. Sapaǵa berilgen baǵa satyp alýshylarǵa senim beredi. Biz 2013 jyly baıqaýǵa qatysyp, baıqaýdyń aımaqtyq kezeńinde 2 oryndy jeńip alǵan bolatynbyz. Endigi oıymyz bas júldeni ıelený»,- dedi kompanııa esepshisi Ekaterına Isaeva.
«Halyqqa arnalǵan úzdik taýar» nomınatsııasy boıynsha plastıkalyq tereze, jıhaz, rezeńke jabyndysyn shyǵaratyn tsehtar úzdik úshtikke endi. Al «Eń úzdik azyq-túlik taýarlary» nomınatsııasynda sút, et ónimderin shyǵaratyn kompanııalar men kondıterlik tseh bar.
Aıta keteıik, «Qazaqstannyń úzdik taýary» baıqaýyna Aqtóbeden 9 óndiris orny qatysady.
