Dintanýda senim men qulshylyqqa jáne dinı oqýlyqtarǵa qatysty taqyryptar bólek qarastyrylýy qajet - Nur-Múbárak Islam mádenı ýnıversıtetiniń rektory
ALMATY. 20 qańtar. QazAqparat /Erlik Erjanuly/ - Almatydaǵy Nur-Múbárak Islam mádenı ýnıversıteti Qazaqstannyń jarqyn bolashaǵy úshin bilim berý salasynda óz septigin tıgizý baǵytynda jumys jasap jatyr.
Atalmysh joǵary oqý ornynyń rektory Mahmýd Fahmı Hıdjazı búgin "Zertteý ýnıversıtetine transformatsııalaný aıasyndaǵy dintanýlyqbilim»dep atalatyn halyqaralyq ǵylymı konferentsııada osylaı aıtty. Bul shara fılosofııa ǵylymdarynyń doktory, professor Naǵıma Baıtenovanyń 60 jyldyq mereıtoıyna arnalǵan.
"Naǵıma Jaýlybaıqyzynyń eńbekteri tek Qazaqstan ǵana emes alys-jaqyn ózge shet elderge de tanymal. Ǵalymnyń kóptegen eńbekteri Mysyrda da jarııalanǵan. N. Baıtenova Nur-Múbárak Islam mádenı ýnıversıtetiniń jumysyna da aıtarlyqtaı óz úlesin qosty. Islamda ózge din ókilderine degen tózimdilik tanytý men yntymaqtastyqtyń mysaldary kóp. Jalpy 19-20 ǵasyrlarda qalyptasqan memlekettik júıeler otandastyq jáne tózimdilik qaǵıdattarymen qurylǵan", - dedi Mahmýd Fahmı Hıdjazı. Onyń aıtýynsha, Mysyrdyń bilim júıesinde jáne memlekettik mektepterde dinı pánder qarastyrylǵan. Atap aıtatyn bolsaq, bilim berý júıesinde hrıstıan dinine de, ıslam dinine de ortaq taqyryptar, olardyń ishinde keńestiń qajettiligi, ádildik, shynshyldyq sııaqty uǵymdar bar. Nur-Múbárak Islam mádenı ýnıversıteti rektorynyń paıymdaýynsha, dintanýda senimge, qulshylyqqa qatysty taqyryptar men dinı oqýlyqtar bólek qarastyrylýy qajet.
