Dintaný saraptamasyna túsetin ádebıetterde ekstremıstik úndeýler kezdespeıdi - Din isteri agenttigi
ASTANA. 29 sáýir. QazAqparat - Dintaný saraptamasyna túsetin ádebıetterdiń ishinde ekstremıstik jáne terrorıstik úndeler kezdespeıdi.
Búgin dintaný saraptamasyn uıymdastyrý jáne júrgizý máselelerine arnalǵan respýblıkalyq semınarda QR Din isteri agenttiginiń dinı saraptama jáne dinı oqý oryndarymen baılanys jónindegi basqarma bastyǵy Aınur Ábdirasylqyzy osylaı aıtty.
Onyń sózine qaraǵanda, saraptamaǵa túsetin ádebıetterde naqty ekstremıstik nemese terrorıstik úndeýler kezdespeıdi. «Sebebi, kitap jaryqqa shyqqanǵa deıin ol eńbek birneshe ret tekserilip, redaktorlyq túzetýden ótedi. Avtordyń jeke jaýapkershiligi de bar. Sondyqtan ondaı týyndylar birshama jınaqtalǵan, saraptalǵan, bylaısha aıtqanda tazarǵan kúıde túsedi», - deıdi A.Ábdirasylqyzy.
