Dintaný saraptamasyn uıymdastyrýǵa qatysty respýblıkalyq semınar ótedi
ASTANA. 28 sáýir. QazAqparat - 29 sáýirde Qazaqstan Respýblıkasy Din isteri agenttiginiń uıymdastyrýymen «Dintaný saraptamasyn uıymdastyrý jáne júrgizý» taqyrybynda respýblıkalyq semınar ótkiziledi.
Bul týraly agenttiktiń baspasóz qyzmetinen habarlandy.
Semınardyń maqsaty elimizdegi dintaný saraptamasyn júrgizýdi qamtamasyz etý tetikterin jetildirý bolyp tabylady. Bul rette shara aıasynda dintaný saraptamasyn júrgizý tártibi boıynsha túsindirý jumystaryn júrgizý, sarapshylar men Din isteri agenttiginiń departamentteri janyndaǵy Saraptamalyq toptardyń múshelerine keńes berý, dintaný saraptamasy jónindegi tájirıbelik máselelerdi talqylaý, dintaný saraptamasyn júrgizýdiń tetikterin ári qaraı jetildirý boıynsha usynystar ázirleý sekildi mańyzdy máseleler qamtylmaqshy.
Semınarǵa Qazaqstan Respýblıkasynyń Din isteri agenttigine qarasty aýmaqtyq departament qyzmetkerleri, Mádenıetter men dinderdiń halyqaralyq ortalyǵy jáne Din máseleleri jónindegi ǵylymı-zertteý jáne taldaý ortalyǵynyń qyzmetkerleri, QR Bas prokýratýrasynyń, QR Іshki ister mınıstrliginiń, QR Ádilet mınıstrligi Tirkeý qyzmeti jáne quqyqtyq kómek kórsetý komıtetiniń, Sot saraptamasy ortalyǵynyń ókilderi, Qazaqstan Dintanýshylar kongresiniń músheleri, táýelsiz sarapshylar, úkimettik emes uıymdar men BAQ ókilderi qatysatyn bolady.
