«Dintaný negizderi» páni qalaı oqytylýy kerek?» - respýblıkalyq basylymdarǵa sholý
ASTANA. Qarashanyń 24-i. /QazAqparat/ - Qazaq aqparat agenttigi respýblıkalyq basylymdarda qarashanyń 24-i, seısenbi kúni shyqqan ózekti materıaldarǵa sholýdy usynady.
Keshe Elbasy Nursultan Nazarbaev Sh. Aımanov atyndaǵy «Qazaqfılm» kınostýdııasynda bolyp, túsirilip jatqan, túsirilip bolǵan birqatar kınojobalarmen tanysty. Ulttyq kınematografııanyń maıtalmandarymen dıdarlasty. Tolyǵyraq «Egemen Qazaqstan» basylymynyń búgingi sanyndaǵy «Kıno - ómir, ómir - kıno» degen taqyryppen berilgen maqaladan oqı alasyzdar .
«- Álemdik daǵdarysqa qaramastan, memleket otandyq kınematografııaǵa aıtarlyqtaı qoldaý kórsetip keledi, - dep jazady osy taqyrypty jalǵastyrǵan «Kazahstanskaıa pravda» gazeti Elbasynyń «Qazaqfılm» ujymy aldynda sóılegen sózine júginip. -Jumys úshin qolaıly jaǵdaı jasaldy. Endigi sharýa ózderińde. Sońǵy kezderi bári tarıhı taqyrypqa kóp qyzyǵady. «Kóshpendiler» fılmniń óndirisine ǵana 30 mıllıard dollardan astam qarajat jumsaldy. Biraq ókinishke qaraı, kútkendegideı nátıje bolmady». Elbasynyń kıno salasyndaǵy oılaryn atalǵan gazettiń búgingi nómirinen oqýǵa bolady.
Osy taqyryp «Aıqyn» gazetiniń nazarynan da tys qalmaǵan.
Memlekettik hatshy - syrtqy ister mınıstri Qanat Saýdabaevtyń jańa qyzmettegi alǵashqy resmı sapary teriskeı bettegi uly kórshimiz Reseıge jasalǵany qaı jaǵynan da tabıǵı. Al ekinshi saparynda joly Aýǵanstanǵa túskeni qalaı? «Egemen Qazaqstan» basylymynyń búgingi sanyndaǵy «Tóraǵaǵa tán tirlik, keń elge laıyq irilik» degen taqyryppen berilgen maqala Qanat Saýdabaevtyń Aýǵanstan Islam Respýblıkasyna jasaǵan resmı saparyna toqtalypty.
«Ult rýhyn tanytqan». Osy taqyryppen berilgen atalmysh basylymdaǵy kelesi maqala Saýd Arabııasy men Iordanııadaǵy Qazaq eli mádenıetiniń kúnderine nazar aýdarypty .
***
«Dintaný negizderi» atty pán jalpy orta bilim beretin mektepterde 1 qyrqúıekten júrgizile bastaýy kerek edi. Biraq mamandardy daıyndaý qajettiligi jáne oqýlyqtyń tapshylyǵyna baılanysty, oqý jylynyń úshinshi toqsanyna qaldyrylǵan»,- dep jazǵan «Aıqyn» gazetiniń búgingi sanyndaǵy «Dintaný negizderi» páni qalaı oqytylýy kerek?» degen taqyryptaǵy maqala Bilim jáne ǵylym mınıstrliginiń tapsyrysymen ótken «Dintaný negizderi» fakýltatıvin oqytýdyń ózekti máselelerine» arnalǵan semınar týraly jazypty .
Prezıdentpen ótken tikeleı jelige Densaýlyq saqtaý salasyndaǵy máseleler boıynsha Qazaqstan turǵyndarynan birtalaı suraqtar kelip tústi. Olardyń basym kópshiligi ana men bala densaýlyǵyna baılanysty bolyp otyr. «Aıqyn» basylymynyń búgingi sanynda Densaýlyq saqtaý mınıstri Jaqsylyq Dosqalıev tikeleı jeli arqyly kópshilikti tolǵandyrǵan saýaldarǵa bergen jaýaptary jarııalanypty.
***
Keshe Astana qalasynda IV Azamattyq forým óz jumysyn bastady. Forýmnyń plenarlyq májilisine Premer-mınıstrdiń birinshi orynbasary Ómirzaq Shókeev qatysty. «Astana aqshamy» basylymynyń búgingi sanyndaǵy «Azamattyq qoǵamnyń damýy - eldi demokratııalandyrýdyń alǵyshartynyń biri» taqyrybymen berilgen maqala atalmysh májiliske toqtalypty.
«Oıdyń bári qasqyr ǵoı. 75-ke kelgende, óziń de kóresiń. Otbasyń, qoǵamyń týraly oılaǵanda, azý tisi saqyldaǵan qasqyr oılar qamaıdy»,- deıdi aqyn Qadyr Myrza Álı. Atalmysh basylymnyń búgingi sanyndaǵy «Óleńderimnen Alashordanyń nyshanyn tanyǵan» taqyrybymen berilgen suhbatta aqyn qoǵamdyq ómir jaıly qyzyqty oılaryn ortaǵa salady.
***
«Amerıka, Qytaı: qaısysynyń mysy basym?» Osyndaı saýalǵan qurylǵan «Altyn orda» aptalyǵyndaǵy maqala AQSh prezıdenti Barak Obamanyń Qytaı Halyq Respýblıkasyna jasaǵan resmı saparyna toqtalypty.
Sondaı-aq «Altyn orda» aptalyǵynyń osy jolǵy sanynda «Abaıdan qalǵan qalam» aman bolsyn!» degen taqyryppen QR eńbek sińirgen qaıratkeri, aqyn Júrsin Ermanmen bolǵan suhbat jarııalanypty. Suhbat sanamyzǵa ulylyq pen ulanǵaıyr aqparattardy toǵystyrǵan qalamnyń qudireti, jáne basqa da ózekti túıinder jaıynda oı órbitedi.
Shymkenttegi 52 janar-jaǵarmaı quıý stansylarynyń jumysyn teksergen komıssııa sonyń on altysynyń qyzmetinde zań buzýshylyq bar bar ekenin anyqtady, dep jazady «Ekspress-K» gazeti. Gazet Ońtústik Qazaqstan oblysyndaǵy janarmaı daǵdarysy osy rynoktaǵy jekelegen qatysýshylardyń básekeni belden basyp, ymyralasyp áreket etýiniń saldarynan týǵanyn habarlaıdy.
«Arselor Mıttal» AQ -nyń «Saran» shahtasyndaǵy ótken jeksenbide shyqqan órt qaýipsizdik talaptaryn saqtamaýdyń saldarynan bolýy múmkin. Qaraǵandy oblystyq tótenshe jaǵdaılar basqarmasy ázirge osyndaı boljam keltirgen. Osy jóninde jazǵan «Komsomolskaıa pravda-Kazahstan» gazeti órt shyqqan kúni 151 shahter qaýipsiz jerge kóshirilgenin jáne jyl basynan beri osy kásiporynnyń segiz shahtasynda tehnıkalyq qaýipsizdik erejelerin saqtamaýdyń 12861 deregi tirkelgenin alǵa tartqan.
IV Azamattyq forýmnyń jumysyna 550-den asa delegat qatysty. Ekonomıkanyń osy bir úshinshi sektory búginde endi-endi eseıip keledi dep sanaıdy osy salanyń óz ókilderi. Biraq qazirdiń ózinde ekologııa, quqyqtyq sektor, múgedekterdi, balalardy qoldaý sekildi salalarda ÚEU aıaǵynan nyq tura bastady. Astanada ashylǵan azamattyq forýmnyń jumysy jaıynda «Lıter» basylymy jazǵan.
