«Dintaný negizderi» fakýltatıv sabaǵyn mektepte arhıtektor berip kelgen - respýblıkalyq basylymdarǵa sholý
Óskemen qalasynda ekologııalyq máselelerdi arnaıy zertteý mekemesi ashyldy. Ázirge bul Qazaqstandaǵy osy salany taldap otyratyn jalǵyz ortalyq bolyp otyr. Shyǵys Qazaqstan oblysynyń ákimshiligi atalǵan ortalyqty qurý arqyly aýany lastap otyrǵan ekologııalyq túıitkilderdi aıryqsha baǵalaýǵa alyp, zerttemek oıda. Oblys ákimi Berdibek Saparbaevtyń bastamasymen qurylǵan bul ortalyq bolashaqta jumys aýmaǵyn keńeıtpek. Ekologııalyq jaǵdaıy rasymen de alańdaýshylyq týdyryp otyrǵan ShQO-daǵy biregeı ortalyq týraly «Aıqyn» gazetinde jazylǵan.
Atalmysh gazettiń «Islamnyń qaı baǵytyn ustanatynymyzdy batyl aıtýymyz qajet» taqyrybymen saıasattanýshy Nurlan Erimbetovpen bolǵan suhbatta Qazaqstandaǵy búgingi kúngi kúrmeýi kúrdeli taqyryptardyń biri - din men dil máselesi qozǵalǵan. «Meni búgingi bılikke, Úkimetke rıza qylyp otyrǵan bir másele bar. Ol - keshteý bolsa da, elimizdegi dinı ahýal jaıly áńgimeni endi qozǵaı bastaǵany. Buǵan deıin Konstıtýtsııamyzda kórsetilgen «zaıyrly memleketimizdi» tar keńistikte túsinip, ony basqasha qabyldap kelgen edik. Zaıyrly memleket bolý degenimiz - qoǵamda bolyp jatqan ishki jaǵdaılardan basty alyp qashý emes, kerisinshe, sonyń ortasynda júrip, baqylap- qadaǵalaý, rettep otyrý bolmaq», - deıdi saıasattanýshy.
* * *
Al «Alash aınasy» gazetinde «Dırektorlar synaqtan óte almady» taqyrybymen shyqqan maqalada QR Bilim jáne ǵylym mınıstrligi aǵymdaǵy jyldyń 1 qyrkúıeginen bastap birinshi sanattaǵy orta mektep muǵalimderine 100 myńnan jalaqy beremiz dep otyrǵan tusta, anyqtalǵan keleńsizdikter týraly jazylǵan. Máselen, Jambyl oblysynyń jaýapty mamandary júrgizgen taldaý-saraptaý jumystarynyń nátıjesi, oblys boıynsha Qazaqstan tarıhy páninen sabaq beretin 1 178 ustazdyń 35 paıyzy joǵary oqý ornyn syrttaı bitirgeni, Baızaq, Qordaı aýdandarynda syrttaılyqtar tipten 54 paıyzdy quraıtyndyǵy anyqtady. Al qazaq tiliniń «zaochnıkteri» óńirde 37 paıyzdyń ar-jaq, ber-jaǵy. Onymen birge, Qordaı aýdanynda «Dintaný negizderi» fakýltatıv sabaǵyn mamandyǵy boıynsha arhıtektor berip kelgen.
Osy gazettiń «Alash azamaty» aıdarynda Qaraǵandy oblysynyń ákimi Serik Ahmetovpen jazylǵan suhbat usynylǵan. Ákim áńgimesinde Údemeli ındýstrııalyq-ınovatsııalyq damý baǵdarlamasynyń oblysta júzege asyrylý barysy, el Táýelsizdiginiń 20 jyldyq mereıtoıyna óńirdiń jetip otyrǵan áleýmettik-ekonomıkalyq jetistikteri, Qazaqstan, Reseı jáne Belarýs memleketteri arasyndaǵy kedendik keńestiń naqty oblysqa berer paıdasy, sondaı-aq din, sport, bilim men ǵylym jaǵdaılaryn keńinen baıandady.
* * *
29 tamyz kúni Jenevada Ulttar saraıynda Semeı ıadrolyq polıgonynyń jabylǵanyna 20 jyl tolýyna jáne ıAdrolyq synaqtarǵa qarsy halyqaralyq kúndi atap ótýge arnalǵan konferentsııa ótti. Іs-shara Qazaqstan Respýblıkasynyń Turaqty ókildigi jáne ıAdrolyq qarýdan ada qory birlesip uıymdastyrdy. BUU-nyń Jenevadaǵy Bólimshesiniń bas dırektory Qasym-Jomart Toqaev óziniń alǵy sózinde, BUU Qazaqstannyń jáne onyń basshysy Nursultan Nazarbaevtyń ıadrolyq qarýdan bas tartý jáne ony taratpaý úderisine qosqan súbeli úlesin asa baǵalaıtyndyǵyn atap ótti. Onyń aıqyn dáleli kólemi boıynsha álemdegi tórtinshi ıadrolyq arsenaldan bas tartýy jáne Semeı ıadrolyq polıgonyn jabýy boldy. Maqalany «Kazahstanskaıa pravda» gazetiniń búgingi sanynan oqýǵa bolady.
Búgin, 1 qyrkúıek - bilim kúni. Osyǵan oraı, QR Bilim jáne ǵylym mınıstrligi barsha qazaqstandyqtardy jalpyhalyqtyq merekemen quttyqtady. «Kazahstanskaıa pravda» gazetine shyqqan quttyqtaý hatynda, 2011-2012-shi oqý jylynda 260 myńǵa jýyq baldyrǵannyń alǵash ret mektep tabaldyryǵyn attaıtyndyǵy aıtylǵan. Olardyń sany sońǵy bes jylda ósý qarqynyn kórsetip otyr. Bul, eldegi demografııalyq oń jaǵdaıdyń belgisi.
* * *
Búginde Qazaqstanda sporttyq oıyndardyń arasynda kenjelep damyp kele jatqan - fýtbol týraly ashyna aıtyp, pikir bildirgen ataqty palýan, búginde «SK-Astana» korporatıvti qoryn basqaratyn Dáýlet Turlyhanovtyń «Megapolıs» gazetine bergen suhbatyn «Nur Astana» gazeti basyp shyǵardy. «Bárimizge belgili, shetten, ásirese, Reseı klýbtarynan attaı qalap qyrýar qarjy jumsap ákeletin fýtbolshylar eýropalyq deńgeımen salystyrǵanda sheberligi kóp tómen, ortańqol oıynshylar. Jyl saıyn qaıtalanatyn osy úrdis Qazaqstan fýtbolynyń álemdik reıtıngtegi ornyn keri ketirgeni bolmasa, paıda bere qoıǵan joq. Qazaqstanda talantty balalardy iriktep, tárbıelep shyǵaratyn keshendi fýtbol mektepterin qurý eshkimniń oıyna kelmeıdi», - deıdi ol.
Osy basylymnyń «Minber» aıdarynda Úkimet músheleriniń, atap aıtqanda, Premer-Mınıstrdiń orynbasary Erbol Orynbaev pen Eńbek jáne halyqty áleýmettik qorǵaý mınıstri Gúlshara Ábdihalyqovanyń «Jumyspen qamtý-2020» baǵdarlamasynyń júzege asyrylý barysymen tanysý maqsatynda Qaraǵandy oblysyna jasaǵan saparlarynyń nátıjesin oqýǵa bolady.
