Dınozavrlardy bezgek juqtyrǵan masa men kene joıyp jibergen
ASTANA. QazAqparat - Amerıkalyq ǵalym Djordj Poınar dınozavrlardyń qyrylýyna masalar men keneler taratqan bezgek indeti sebep bolýy múmkin degen tujyrym jasady. Oǵan Mıanmada ıantardyń ishinen tabylǵan masa dálel bolady, delingen American Enthomologist jýrnalynda jarııalanǵan maqalada.
Poınar jáne onyń áriptesteri qol jetkizgen aqparattarǵa sáıkes, masa arqyly aýrýdy juqtyrý eń kemi 20 mln jyl buryn, al kene taratqan indetter 100 mln jyl buryn bolǵan.
Domınıkan aralynan tabylǵan synamalardy zerttegende, Poınar jaqsy saqtalyp qalǵan masany ıantar arasynan tapty. Onyń jaqsy saqtalǵany sonshalyq, tipti asqazanyn zertteýge múmkindik týdy. Buryn osyǵan uqsas synama Mıanmada tabyldy. Onyń jasy 100 myń jyl shamasynda.
Eki jándiktiń de óńeshinde bezgek taratqysh bakterııalar tabyldy.
Poınardyń pikirinshe, masa taratqan bezgek eńgezerlerdiń (dınozavrlardyń) qyrylýyna sebep bolýy múmkin. Bezgektiń alǵashqy epıdemııasy 15-8 myń jyl buryn adamzat sanynyń qysqarýyna sebep bolýy múmkin.
