Dınozavr qańqalary Saryaǵash aýdanynda eski úıdi buzǵan kezde tabylǵan
ShYMKENT. QazAqparat - Ońtústik Qazaqstan oblysynda tabylǵan dınozavr súıekteri Saryaǵash aýdany turǵynynyń úıinen shyqqany belgili boldy.
Yntymaq aýylynyń turǵyndary jarty ǵasyr burynǵy baspanany buzǵanda, ejelgi dınozavrdyń qańqasyna uqsas súıekterdi taýyp alǵan, dep habarlaıdy QazAqparat HAA tilshisi. 
Yntymaq eldi mekeniniń turǵyndary eski baspanaǵa jóndeý jumystaryn júrgizip, edenin ashqan. Sol kezde belgisiz maqulyqtyń súıegi topyraqtyń betinde ashyq jatqan. Aýyl turǵyny Barodar Abdýǵapparovtyń sózinshe, qańqanyń kórinisi ony kórgen kez kelgen jandy selt etkizedi. Bir qaraǵan adamǵa ejelgi dınozavrdy elestetedi. Óıtkeni turpaty úreı týǵyzatyn súıektiń eki aıaǵy kórinip tur. Al, quıryqtary uzyn. Shamamen 30-40 sm bolady.
Turǵyndar endi tabylǵan súıekti arnaıy mamandarǵa kórsetip, zertteý júrgizý úshin ǵalymdarǵa bermekshi. 
