Dinmuhamed Qonaev murajaı-úıi Reseıde ótetin halyqaralyq baıqaýdyń sońǵy baıqaýyna joldama aldy
ALMATY. Aqpannyń 24-i. QazAqparat /Erlik Erjanuly/ - Almatydaǵy D.Qonaev murajaı-úıi naýryzdyń 25-26 kúnderi Ombyda ótetin halyqaralyq baıqaýdyń sońǵy baıqaýyna qatysady.
Bul búgin Almatyda uıymdastyrylǵan "D.A.Qonaev jáne onyń dáýiri" dep atalatyn dóńgelek ústel jıynynda aıtyldy, dep habarlaıdy QazAqparat.
"2009 jyly jańa ınnovatsııalyq baǵdarlamalar týraly halyqaralyq baıqaý jarııalaǵan bolatyn. Omby ýnıversıteti uıymdastyrǵan bul sharaǵa Reseı Federatsııasynyń Úkimeti qoldaý kórsetip otyr. Biz qazan aıynda "Qolmen ustap kór", " Kelýshilerdi qalaı kóbeıtý kerek", Murajaıdyń jádigerlerin jańa túrde saqtaý" degen úsh jobany usynǵan bolatynbyz. Olardyń úsheýi de baıqaýdyń aqtyq fınalyna ótip otyr", deıdi D. Qonaev murajaı-úıiniń bas qor saqtaýshysy Gúlmıra Bekmuratova. Onyń aıtýynsha, baıqaýdyń aqtyq fınaly naýryzdyń 25-26 kúnderi murajaı qyzmetkerleri arasynda ótetin halyqaralyq konferentsııa kezinde bolady.
