«Dinı tanym nasıhaty: ne isteldi, ne istelý kerek?»
AS TANA. 2 qazan. QazAqparat - Búgin Astana qalasyndaǵy «Áziret Sultan» meshitinde Qazaqstan musylmandar dinı basqarmasynyń tóraǵasy, Bas múftı Erjan qajy Malǵajyulynyń qatysýymen «Dinı tanym nasıhaty: ne isteldi, ne istelý kerek?» taqyrybyndaǵy dóńgelek ústel otyrysy bastaldy.
Jýyrda QMDB janynan qurylǵan Aqparattyq nasıhat tobynyń atqarǵan is-sharalary men aldaǵy ýaqyttaǵy josparlary osy otyrys barysynda talqylanatyn bolady. Sondaı-aq, lańkestikpen qarsy kúres sharalarynyń qandaı deńgeıde jáne qaı baǵyttarda órbıtini týraly tyń pikirler aıtylyp, jańa josparlar túzilmek.
Qalyń buqara arasynda QMDB áleýetin arttyryp, asyl dinimizdiń qundylyqtaryn dáriptep, halyqtyń dinı saýatyn ashý baǵytynda qúrylǵan Aqparattyq nasıhat tobynyń otyzǵa jýyq músheleri bul otyrysqa túgeldeı qatysyp, óz oılaryn ortaǵa salady. Sondaı-aq, bul sharaǵa QR Bas Prokýratýrasy, QR Din isteri agenttiginiń sarapshy mamandary qatysyp, baıandama jasaıdy.
