Dinı senim evolıýtsııa nátıjesi me - VVS

NUR-SULTAN. QazAqparat - VVS basylymynda Brendon Ambrozıno rýhanı senimniń ejelgi psıhologııalyq tendentsııalardan týyndaıtyny týraly jazǵan eki bólimnen turatyn zertteý maqalasy jarııalandy.

«Dinı tájirıbe kezindegi mı týraly zertteýler júrgizetin neırobıolog Endrıý Nıýbergtiń aıtýynsha, dinı senim rasymen mı qurylymyna áser etip, júıke fýnktsııalary ózgeredi» dep jazady avtor.

Onyń jazýyna qaraǵanda, Nıýberg pen onyń komandasy namaz oqyp otyrǵan nemese medıtatsııa jasap jatqan adamdardyń mıyn skanerden ótkizip, mundaı kezde mıdyń eki bóligi de birdeı belsendi jumys isteıtinin anyqtaǵan.

«Dinı senimdi túsindirý úshin adamzat mıynyń jumys isteýine mán berý kerek», - deıdi «Dindi túsindirý» kitabynyń avtory Paskal Boıer.

«Mysaly, adam butaqtar arasynda turyp, dybys estise, ony jelden boldy nemese jyrtqysh kele jatyr, qashý kerek dep túsinedi. Evolıýtsııa turǵysynan ekinshi oı mándirek. Sebebi eger rasymen jel bolsa, siz eshteńe joǵaltpaısyz. Al jyrtqysh ań kelip, sizdi jep qoısa, eshteńe isteı almaı qalar edińiz. Djastın Barret atty kognıtıvti ǵalym dinı senimderge negizdelgen kognıtıvti áreketter týraly zertteýler júrgizgen. Ǵalymnyń oıynsha, dinı senim júıke anatomııasynda birneshe túrge bólinedi. Al erik jiger men nıetke baılanysty oıy bar adamǵa din tabıǵı túrde keledi» dep jazady avtor.

Onyń paıymynsha, moraldyq ıntýıtsııa túsinikti bolǵanymen, onyń qalaı paıda bolǵanyn túsindirý qıyn.

«Meniń oıymsha, rýhanı senimniń joǵalýy múmkin emes», - deıdi ǵalym Frans de Vaal.

Bul rette ol búgingi tańda doktrına men ıerarhııasyz din keń jaıylyp keletinin alǵa tartady. Kóptegen zertteýshilerdiń de aıtýynsha, Batys elderinde shirkeý men meshitke barý kórsetkishi azaıǵanymen, rýhanı senim artyp kele jatyr.

«Rýhanııat aınaladaǵy adamdarmen, tabıǵatpen baılanysqa negizdelgen qundylyqtar. 2017 jyly 15 batys elinde júrgizilgen zertteý nátıjesinde adamdardyń 64%-y bir kúshtiń baryna senetinin, biraq dinge kirmeıtinderin aıtqan» dep jazady avtor.