Dinı merekeler Qazaqstannyń kóp ultty halqy ómiriniń úılesimdi bóligine aınalǵanyna qýanamyn - Bas múftı
ASTANA. QazAqparat - Rojdestvo merekesine oraı Qazaqstan Respýblıkasyndaǵy Orys pravoslav shirkeýiniń Mıtropolııa okrýginiń basshysy, Astana jáne Qazaqstan mıtropolıti Aleksandrǵa Qazaqstan musylmandary Dinı basqarmasynyń tóraǵasy, Bas múftı, haziret Erjan qajy Malǵajyuly quttyqtaý joldady.
Qazaqstan Respýblıkasyndaǵy Orys pravoslav shirkeýiniń Mıtropolııa okrýginiń basshysy, Astana jáne Qazaqstan mıtropolıti Aleksandrǵa
Qurmetti Aleksandr!
Qazaqstan musylmandary Dinı basqarmasynyń atynan Sizdi jáne Siz arqyly elimizdiń barlyq pravoslav hrıstıandaryn úlken jarqyn mereke - Rojdestvo merekesimen quttyqtaıdy.
Osy jan tolqytqan jáne izgi kúnderi búkil álemniń pravoslav dindarlary ózderiniń oı sanasyn Uly Jaratqanǵa baǵyshtap, adamdarǵa beıbitshilik, izgilik pen ıgilik tilep jalbarynady. Sizben birge musylman jamaǵaty ǵana emes, basqa da dinderdi ustanatyndar da rýhanı týystyǵymyzdy nyǵaıta túsýge jáne bizdiń Qazaqstan jeriniń gúldenýine minájat etetinine senimdimin. Óıtkeni biz birlese otyryp, qana tabysqa jete alamyz. Astanada Álemdik jáne dástúrli dinder basshylarynyń sezinde turaqtylyqtyń, ózara túsinistiktiń, dinı taǵattylyqtyń arqasynda kópultty jáne kópkonfessııaly Qazaqstanda tynyshtyq pen kelisim saqtalýda dep atap kórsetilýi beker emes.
Sondyqtanda dinı merekeler Qazaqstannyń kóp ultty halqy ómiriniń úılesimdi bóligine aınalǵanyna qýanamyn. Jáne árqashan da Jaratqanǵa elimizde beıbit qatar ómir súrip jatqan dástúrli dinder arasyndaǵy qatynastardaǵy tynyshtyq pen dostyq úshin alǵys aıtamyn. Bizdiń Memleketimiz Basshysynyń joǵary halyqaralyq bedeliniń arqasynda búginde Qazaqstandy osyndaı beıbitshilik súıgish saıasaty úshin búkil álemde qurmetteıdi.
Barlyq pravoslav dindar jamaǵatyna myqty densaýlyq, baqyt jáne qýanysh tileımin. Al Sizge, qurmetti mıtropolıt, Jaratqanǵa jáne Qazaqstan halqyna qyzmetińizge medet bersin, osyndaı álem turaqsyz tolqyp turǵan shaqta Asa meıirimdi Jaratýshydan Sizge myqty densaýlyq, tynyshtyq pen tózimdilik, tabys jáne sizdiń qyzmetińizge taýsylmas kúsh-qaırat tileımin. Sizdiń Otanǵa - Qazaqstanǵa degen súıispenshiik pen patrıotızmdi nyǵaıtý jolyndaǵy jasampaz eńbekterińiz jalpyǵa birdeı tanylǵan óz baǵasyn alatynyna senimdimin.
Pravoslav dindarlaryna ıgilik pen barlyq bastamalaryna tabys, baqyt jáne jan jylýyn tileımin!
