Dinı qyzmetkerler arasynda «bastyq sındromy» basym bolyp tur - ıslamtanýshy
Dinı-ýájdi ekstremızm jáne deradıkalızatsııa problemalarymen aınalysyp júrgen «Nur-Múbarak» ýnıversıteti janyndaǵy dinı ekstremızmge qarsy is-qımyl ortalyǵynyń dırektory Asqar Sabdın osy ýaqytqa deıin túrmede otyrǵan lańkestermen, radıkaldarmen, ekstremıstik sıpattaǵy qylmystyq isterdiń kýágerlerimen 700-den astam suhbat ótkizgen.
«Osy qyzmetterdiń barlyǵy maǵan negizgi baıqaǵandarym jaıynda pikir aıtyp, dinı salany turaqtandyrý boıynsha jekelegen sharalardy usynýyma múmkindik beredi. Dindarlar arasynda baıqalyp otyrǵan basty tendentsııa - bul dinı saladaǵy resmı sýbektilerge senim daǵdarysynyń artýy. Bul dinı máselelerdegi quziretsizdikke, kommýnıkatsııalyq daǵdylardyń joqtyǵyna, atalǵan jamaǵatpen suhbat júrgize almaý jáne baılanys ornata almaýǵa baılanysty. Buǵan qosa, dinı saladaǵy júıeli sýbektilerdiń tarapynan «bastyq sındromy», qımylsyzdyq, problemany sheshýdiń ornyna ony búrkemeleý, qoǵam aldyndaǵy ashyqtyń joqtyǵy baıqalady», - dedi ol.
Sonymen qatar onyń sózine qaraǵanda, aqparattyq-túsindirý toby músheleriniń basym kópshiligi dinniń ne ekendigin bilmeıdi. Soǵan qaramastan olar dinı taqyrypta pikirtalas júrgizýge tyrysady.
«Óz kezeginde bul keri áserin beredi. Adam izdenýdiń ornyna ózinikiniń durystyǵyna, nanymy naǵyz shyndyq ekendigine senimdi bola túsedi. Radıkaldarmen jumys isteıtin adamdarǵa qatysty sýbekt krıterııleriniń bolmaýy osyndaı jaǵdaıǵa ákep otyr. Kabýldan, Kaırdan ımamdar kelip, dindarlardy odan ary radıkaldandyra tústi», - dedi ıslamtanýshy.
Foto: www.maturidi.kz
