«Dinı qyzmet jáne dinı birlestikter týraly» zań jobasy - jumys tobynyń otyrysynda
ASTANA. 16 qyrkúıek. QazAqparat - Búgin Májiliste «Dinı qyzmet jáne dinı birlestikter týraly» zań jobasy boıynsha qurylǵan jumys tobynyń jetinshi otyrysy ótti.
Qazir depýtattardan kelip túsken túzetýler jan-jaqty qaralýda. Salystyrma kestege 100-den astam tolyqtyrýlar engizilgen. Sonymen qatar «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» zań jobasy boıynsha 20-dan astam túzetý engizilgen.
Zań jobasyn talqylaý jumys tobynyń jetekshisi, Májilistiń Zańnama jáne sot-quqyqtyq reforma komıtetiniń múshesi Ramazan Sárpekovtiń tóraǵalyǵymen ótýde.
Jumys tobynyń otyrysyna Májilis depýtattarymen birge QR Din isteri agenttiginiń, Joǵarǵy Sot, Bas prokýratýra, UQK-niń, birqatar mınıstrlikterdiń ókilderi qatysty. Sondaı-aq dinı jáne qoǵamdyq uıymdardyń ókilderi de zań jobasyn talqylaýǵa qatysýda.
Búgin tústen keıin jumys tobynyń segizinshi otyrysy ótedi.
