Dinı kitaptardy kóringen jerde satýǵa bolmaıdy - polıtsııa
KÓKShETAÝ. QazAqparat - Dinı kitaptardy saýda úıinde ruqsatsyz satqan aqmolalyqqa 120 750 teńge aıyppul salyndy, dep habarlaıdy QazAqparat tilshisi Aqmola oblystyq polıtsııa departamentiniń baspasóz qyzmetine silteme jasap.
«Şýche qalalyq polıtsııa bóliminiń qyzmetkerleri jergilikti saýda úıleriniń birindegi dúńgirshekte «Quran» kitabyn ruqsatsyz satý deregin anyqtady. Ákimshilik quqyq buzý týraly kodekstiń 490-baby boıynsha materıal jınalyp, sotqa joldandy. Býrabaı aýdandyq sotynyń sheshimimen 54 jastaǵy aqmolalyq ákimshilik quqyq buzýshylyq jasaǵany úshin kináli dep tanylyp, oǵan 120 750 teńge aıyppul salyndy», - dedi polıtsııa departamentiniń baspasóz qyzmetinen.
Vedomstvodan atap ótkendeı, qoldanystaǵy zańnamaǵa sáıkes dinı ádebıetterdi, dinı mazmundaǵy materıaldar men dinı maqsattaǵy zattardy tek belgilengen oryndarda ǵana taratýǵa jol beriledi.
Bul - dinı ǵımarat aýmaqtary, dinı-rýhanı oqý oryndary - medreselerde, semınarlarda jáne basqalary, sondaı-aq ákimdik bekitken arnaıy statsıonarlyq úı-jaılar.
Şýchınsk qalasynyń aýmaǵynda osyndaı 2 úı-jaı bar. Ózge oryndarda dinı ádebıetterdi jergilikti atqarýshy orǵandardyń ruqsatynsyz satýǵa bolmaıdy.
Aıta ketsek, munyń aldynda 6 myńǵa jýyq adamdy aldaǵan alaıaq 5 jylǵa sottalǵan edi.
