Dinı ekstremıster Qashǵardyń beıbit turǵyndaryna shabýyl jasady
BEIJІŃ. 1 tamyz. QazAqparat /Rýslan Súleımenov/ - Qytaıdyń soltústik-batysyndaǵy Shynjań-Uıǵyr avtonomııalyq ólkesindegi Qashǵash qalasynda jeksenbi kúni beıbit turǵyndarǵa jasalǵan shabýyldy «Shyǵys Túrkistan ıslam qozǵalysy» lańkestik uıymynyń shekaralas Pákistandaǵy bazalarynda daıyndyqtan ótken dinı ekstremıster uıymdastyrǵan.
Bul týraly Sınhýa agenttigi jergilikti úkimetke silteme jasap habarlady.
Esterińizge sala keteıik, jeksenbi, 31 shilde kúni jergilikti ýaqyt boıynsha saǵat 16.30-da bir top qarýly adam jergilikti meıramhanalardyń birin basyp alyp, onyń qojaıynyn jáne daıashysyn óltirdi jáne nysandy órtep jiberdi. Odan keıin olar jaqyn mańda bolǵan beıbit turǵyndar men oqıǵa ornyna jetken polıtsııa qyzmetkerlerine oq jaýdyrǵan. Oqıǵa saldarynan alty adam oqqa ushyp, 15 adam jaralandy, olardyń úsheýi - polıtsııa qyzmetkeri. Polıtsııa bes sodyrdy atyp óltirip, taǵy birnesheýin tutqyndady.
Aldyn ala málimetter boıynsha, shabýyldy uıymdastyrǵan qylmyskerler «Shyǵys Túrkistan ıslam qozǵalysy» lańkestik uıymynyń Pákistan aýmaǵyndaǵy lagerlerinde daıyndyqtan ótkender. Shynjań ókimeti osy oqıǵaǵa qatysy bar taǵy eki adamdy tutqynǵa alýǵa order berdi. Olar - jergilikti turǵyndar, uıǵyr ultynyń ókilderi. Polıtsııa kúdiktilerdi ustaýǵa kómektesetin aqparattar úshin 100 myń ıýan (15 myń dollardaı) kóleminde syıaqy jarııalady.
