Dinı birlestiktermen baılanys jónindegi keńestiń kezekti otyrysy bolyp ótti
ASTANA. 25 qańtar. QazAqparat - Búgin QR Úkimeti janyndaǵy Dinı birlestiktermen baılanys jónindegi keńestiń kezekti otyrysy bolyp ótti. Jıynda Aqtóbe, Atyraý, Batys Qazaqstan jáne Mańǵystaý oblys ákimderiniń orynbasarlary 2012 jyl boıynsha Óńirlik keńesterdiń atqarǵan qyzmeti jaıynda baıandady.
«Konstıtýtsııa boıynsha memleket dinnen bólek. Biraq, memlekettik mekemeler men dinı birlestikter arasyndaǵy qarym-qatystardy retteıtin oblys ákimdikteri jáne Úkimet janyndaǵy keńester jumys isteýde. Sonymen qatar, respýblıkanyń barlyq aımaqtarynda konfessııaaralyq kelisimdi saqtaý, memleket pen dinı birlestikter arasyndaǵy dıalogty nyǵaıtýdy qamtamasyz etý boıynsha júıeli jumystar atqarylýda. Óz kezeginde respýblıkanyń batys aımaqtaryndaǵy dinı ahýal asa kúrdeli bolyp otyrǵanyn atap ótý qajet», - dedi jıyndy ashyp sóz sóılegen Din isteri agenttiginiń tóraǵasy Qaırat Lama Sharıf.
Shara barysynda tórt oblys ákimderiniń orynbasarlary óńirlerdegi dinı ahýal jóninde memlekettik organdardy habardar etip, konfessııaaralyq kelisimdi qamtamsyz etý jáne dinı ekstremızmniń aldyn alý máseleleri boıynsha atqarylyp jatqan sharalary týraly esep berdi.
Sonymen qatar, aqparattyq-nasıhat jumystaryn jetildirý baǵytynda birlese atqarylatyn naqty josparlarǵa qatysty usynystar aıtyldy.
