Dinı birlestikterdiń tirkelýi talaptaryn kúsheıtý qajet- Mádenıet jáne din halyqaralyq ortalyǵy
ASTANA. 2 maýsym. QazAqparat /Rýslan Ǵabbasov/ - Dinı birlestikterdiń tirkelýi talaptaryn kúsheıtý qajet. Bul týraly búgin Astanadaǵy «Qazirgi zamanǵy dinı ahýal: máseleleri men damý úrdisi» atty respýblıkalyq dóńgelek ústelde Mádenıet jáne din halyqaralyq ortalyǵynyń bas ǵylymı qyzmetkeri Esbosyn Samǵulov málim etti.
«Resmı málimet boıynsha bizde 4,5 myńǵa jýyq dinı birlestikter jumys isteıdi. Onyń 2,5 myńy ıslam, 300-ge jýyǵy pravoslav, 100-deıi katolık, sondaı-aq 1,5 myńy protestanttar jáne Qazaqstan úshin dástúrli emes aǵymdar. Men dástúrli emes aǵymdardy sektalar dep atap turǵanym joq. Sebebi olar elimizde zańdy tirkelip alǵan. Alaıda olardyń keıbireýleriniń zańdy belden basatyn jáıtteri kezdesedi»,-dedi E. Smaǵulov.
Onyń sózine qaraǵanda, osyndaı aǵymdardyń kesirinen adamdar jeke múlkinin aıyrylyp, psıhologııalyq bodandyqqa kiretin oqıǵalar bolyp jatady. «Osynyń saldarynan bul adamdar otbasynan aıyrylyp, ómirine aıtarlyqtaı qııanat jasalady. ıAǵnı, osyndaı qyzmetpen aınalysatyn birlestikterdi jaýapqa tartý kerek»,-dedi ol.
E. Smaǵulovtyń aıtýynsha, bizdiń zańnamada «sekta» degen termın joq. Alaıda, zań aıasynda atalǵan teris ustanymdaǵy birlestikterdiń jumysyn toqtatyn tetikter bar. Biraq ta, ókinishke qaraı, bizdiń zańnama óte lıberaldy ekenine toqtalǵan ol, «endi zańnamany qataıtýdyń ýaqyty jetti. Atap aıtqanda, dinı aǵymdardyń tirkeleýi talaptaryn kúsheıtý kerek»,-dedi.
Onyń paıymdaýynsha, elimizde dinı birlestikti qurý sharttary óte jeńil. Sondyqtan osy talaptar teris aǵymdar úshin jańa birlestik qurýǵa esh qıyndyq týdyrmaıdy.
